حکومت کے پاس دہشت گردی سے نمٹنے کی کوئی پالیسی نہیں۔ عمران خان

اسلام آباد: چیئرمین پی ٹی آئی و سابق وزیر اعظم عمران خان نے  کے پی او پر حملے کی مذمت کرتے ہوئے کہا ہے کہ حکومت کے پاس دہشت گردی سے نمٹنے کی کوئی پالیسی نہیں ہے۔

سماجی رابطے کی ویب سائٹ ٹوئٹر پر اپنے پیغام میں سابق وزیر اعظم عمران خان نے کہا کہ میں کراچی پولیس آفس (کے پی او) پر گزشتہ روز کے دہشت گرد حملے کی مذمت کرتا ہوں۔ ایک بار پھر پولیس بہادر ثابت ہوئی۔

یہ بھی پڑھیں:

ہم سب ملکی بدحالی کے ذمہ دار ہیں۔شاہد خاقان عباسی

ٹوئٹر پیغام میں عمران خان نے کہا کہ ایک بار پھر ہماری بہادر پولیس کو نشانہ بنایا گیا۔ ملک بھر میں دہشت گردی میں اضافہ خاص طور پر شہری علاقوں کے مرکز میں انٹیلی جنس اداروں کی ناکامی کو ظاہر کرتا ہے۔

پیغام میں چیئرمین پی ٹی آئی عمران خان نے کہا کہ دہشت گردوں کے حملوں سے پتہ چلتا ہے کہ ریاست اپنی کوئی واضھ اور فعال انسدادِ دہشت گردی پالیسی نہیں رکھتی جو دہشت گردی کا خاتمہ کرسکے۔

Strongly condemn the terrorist attack on Karachi Police Office yesterday. Once again our brave police were targeted. The sudden spike in terrorism esp in the midst of urban centres reflects a failure of intelligence & the State's lack of a clear proactive anti terrorism policy.

— Imran Khan (@ImranKhanPTI) February 18, 2023

خیال رہے کہ اس سے قبل پاکستان تحریک انصاف (پی ٹی آئی) کے چیئرمین و سابق وزیر اعظم عمران خان نے بدھ سے لاہور سے ’جیل بھرو‘ تحریک شروع کرنے کا اعلان کیا۔

جمعہ کو اپنے ٹیلی ویژن خطاب میں عمران خان نے کہا کہ انہوں نے پنجاب اور خیبرپختونخوا کی اسمبلیاں اس لئے تحلیل کیں کہ ملک کا آئین واضح طور پر کہتا ہے کہ انتخابات کسی بھی اسمبلی کی تحلیل کے 90 دن کے اندر کرائے جائیں۔