آئی ایم ایف سربراہ کی نگران وزیر اعظم سے ملاقات، امیروں سے مزید ٹیکس وصولی پر زور

نیو یارک: آئی ایم ایف کی سربراہ کرسٹالینا جارجیوا کی نگران وزیر اعظم انوار الحق کاکڑ سے ملاقات ہوئی جس کے دوران امیروں سے مزید ٹیکس وصولی پر زور دیا گیا ہے۔

تفصیلات کے مطابق نیو یارک میں نگران وزیر اعظم انوار الحق کاکڑ سے ملاقات کے بعد اپنے ایک بیان میں آئی ایم ایف کی سربراہ نے کہا کہ پاکستان سے آئی ایم ایف کا صرف یہ کہنا ہے کہ امیروں سے مزید ٹیکس لیں، غریبوں کو تحفظ دیں۔

یہ بھی پڑھیں:

بجلی مزید مہنگی کرنے کی درخواست نیپرا کو موصول

منیجنگ ڈائریکٹر آئی ایم ایف نے کہا کہ پاکستان کے عوام بھی یہی چاہتے ہیں کہ امیر ٹیکس دیں اور غریبوں کو تحفظ ملے۔ نگران وزیر اعظم انوار الحق کاکڑ کا کہنا تھا کہ سربراہ آئی ایم ایف سے ملاقات تعمیری رہی۔

Very good meeting with Pakistan’s PM @anwaar_kakar today on ????????’s economic prospects. We agreed on the vital need for strong policies to ensure stability, foster sustainable and inclusive growth, prioritize revenue collection, and protection for the most vulnerable in Pakistan. pic.twitter.com/YkVpju4UqY

— Kristalina Georgieva (@KGeorgieva) September 20, 2023

نگران وزیر اعظم انوار الحق کاکڑ نے کہا کہ ملاقات کے دوران معاشی تعاون اور استحکام کیلئے کوششوں پر گفتگو ہوئی۔ پاکستان اور آئی ایم ایف کی جانب سے اقتصادی ترقی اور استحکام کیلئے اقدامات کے عزم کا اعادہ بھی کیا گیا۔

خیال رہے کہ اس سے قبل نگران وزیر اعظم انوار الحق کاکڑ نے ایرانی صدر ابراہیم رئیسی سے ملاقات کی جس کے دوران پاک ایران تعلقات سمیت خطے کی صورتحال پر گفتگو ہوئی۔ باہمی تعاون کو فروغ دینے کی ضرورت پر زور دیا گیا۔