گوگل نیوز پر ہمیں فالو کریںشوبز انڈسٹری کی معروف اداکارہ وماڈل ایمان علی خطرناک بیماری میں مبتلا ہوگئیں جس میں وہ اکثر بینائی سے محروم ہوجاتی ہیں۔
گزشتہ دنوں ایمان علی نے ایک نجی ٹی وی شو میں شرکت کی جہاں پر انہوں نے اپنی بیماری کے حوالے انکشاف کیا، اداکارہ نے بتایا کہ وہ ایک ایسی بیماری میں مبتلا ہیں جس میں وہ بینائی سے محروم ہوجاتی ہیں اور ان سے چلا پھرا بھی نہیں جاتا۔
ایمان علی نے بتایا کہ وہ ’Multiple sclerosis‘ میں مبتلا ہیں جس کے ساتھ ہی زندگی گزارنے کی عادت ڈالنی پڑتی ہے وہ اکثر چیزوں کے نام بھول جاتی ہیں۔
اپنی بیماری کے حوالے سے اُن کا کہنا تھا کہ پچھلے ڈیڑھ سال سے ان کے ہاتھ کام نہیں کررہے بلکل سُن ہوگئے ہیں جبکہ انہیں بولنے میں بھی دشواری ہورہی ہے جس کی وجہ سے اب تو انٹرویو دینا بھی مشکل ہوگیا ہے۔
ڈرامہ سیریل ’چاند تارا‘ کے سیٹ پر بھارتی انداز میں افطار پارٹی کا اہتمام
اداکارہ نے واضح کیا کہ یہ ایک ایسی بیماری ہے جس میں آپ چیزوں کے نام تک بھول جاتے ہیں جیسے مجھے اکثر امی سے پوچھنا پڑتا ہے کہ جس پر ہم کھانا کھاتے ہیں اسے کیا کہتے ہیں یعنی ٹیبل کا نام بھول جاتی ہوں۔
ایمان علی نے بیماری کے حوالے سے مزید کہا کہ وہ اس بیماری کو ایک چیلنج کی طرح لے رہی ہیں اور اسے دماغ پر سوار نہیں کررہیں کئی بیماریاں ہوتی ہیں جو نظر نہیں آتیں۔ ان کا کہنا تھا وہ اپنی اس بیماری کی طرف زیادہ توجہ نہیں دیتیں اور لوگوں سے ہنسی مزاق کرتی رہتی ہیں۔
واضح رہے کہ ’Multiple sclerosis‘ ایک ایسی بیماری ہے جو بظاہر تو نظر نہیں آتی تاہم اس بیماری میں ریڑھ کی ہڈی اور دماغ متاثر ہونے کا خدشہ ہوتا ہے جس کی وجہ سے بولنے چلنے میں دشواری کا سامنا ہوتا ہے جبکہ اس سے بینائی اور یادداشت بھی متاثر ہوتی ہے۔
