گوگل نیوز پر ہمیں فالو کریںبھارت سے بھوک کی وجہ سے ایک سامبر ہرن سرحد پار کر کے پاکستان کے نارنگ منڈی کے قریب ایک رہائشی علاقے میں داخل ہو گیا۔
مقامی افراد نے سانبر ہرن کو قابو کر کے فوری طور پر محکمہ جنگلی حیات کو اطلاع دی۔ شیخوپورہ کے وائلڈ لائف کے اسسٹنٹ ڈائریکٹر جنید عالم نے تصدیق کی کہ ریسکیو ٹیم کو فوری طور پر موقع پر بھیجا گیا۔
ایک دن قبل ایک نیل گائے کو بھی ضلع قصور کے قریب بھارت سے پاکستان داخل ہونے کے بعد بچایا گیا۔ یہ جانور جنگلی کتوں کے حملے میں شدید زخمی ہو گیا تھا، جسے علاج کے لیے چھانگا مانگا منتقل کر دیا گیا۔
اسی دوران پنجاب کے وائلڈ لائف اہلکاروں نے تونسہ شریف میں سندھ سے خیبرپختونخوا جانے والی ایک مسافر بس کی تلاشی کے دوران 10 کریٹ زندہ بٹیر برآمد کیے۔حکام نے غیر قانونی اسمگلنگ پر قانونی کارروائی کا آغاز کر دیا ہے۔
