سری لنکا اور بھارت میں شدید بارشیں، 41افراد لقمہ اجل بن گئے

ممبئی / کولمبو:بھارت اور سری لنکا میں شدید بارشوں کے نتیجے میں 41 افراد اپنی زندگیوں سے ہاتھ دھو بیٹھے۔

غیر ملکی خبررساں ادارے کے مطابق بھارتی ریاست تامل ناڈو میں 16 افراد جان کی بازی ہار گئے۔شدید بارشوں کے نتیجے میں متاثرہ علاقوں میں امدادی کارروائیاں جاری ہیں اور متاثرہ افراد کو محفوظ مقامات کی جانب منتقل کیا جارہا ہے۔

بھارت اور سری لنکا میں ہونے والی شدید بارشوں کے نتیجے میں 41 افراد ہلاک ہوگئے، سری لنکا میں بارشوں سے 25 افراد ہلاک ہوئے جب کہ لینڈسلائیڈنگ سے 5 افراد زخمی ہوگئے۔

مزید پڑھیں: دہلی میں شدید بارشیں، 46سال کا ریکارڈ ٹوٹ گیا، پروازیں معطل

اس کے علاوہ تامل ناڈو میں اسکول اور کالجز سمیت ٹرین سروس کو بند کردیا گیا ہے۔بھارتی محکمہ موسمیات کے مطابق متاثرہ علاقوں میں مزید درمیانی اور ہلکے درجے کی بارشوں کو امکان ہے جس کے نتیجے میں سیلابی صورتحال پیدا ہوسکتی ہے۔