گوگل نیوز پر ہمیں فالو کریںبھارتی شہر حیدرآباد کے علاقے ناگول میں بیڈمنٹن کھیلتے ہوئے ایک 25 سالہ نوجوان کی اچانک موت نے ہر کسی کو افسردہ کر دیا۔ راکش نامی نوجوان دوستوں کے ساتھ کھیل رہا تھا کہ دل کا دورہ پڑنے سے زمین پر گر گیا اور جانبر نہ ہو سکا۔
یہ افسوسناک واقعہ شام 8 بجے کے قریب پیش آیا۔ راکش اپنے دوستوں کے ساتھ بیڈمنٹن کھیل رہا تھا کہ اچانک گر پڑا۔ اس کے ساتھی کھلاڑیوں نے فوراً سی پی آر (CPR) دے کر جان بچانے کی کوشش کی لیکن اس کی حالت بہتر نہ ہو سکی۔ بعد ازاں اسے قریبی اسپتال منتقل کیا گیا جہاں ڈاکٹروں نے اسے مردہ قرار دے دیا۔
View this post on Instagram
راکش کا تعلق ضلع کھمم کے تھلادا گاؤں سے تھا اور وہ سابق ڈپٹی سرپنچ گنڈلا وینکٹیشورولو کا بیٹا تھا۔ وہ حیدرآباد کے نواحی علاقے ناگول میں مقیم تھا اور ایک نجی کمپنی میں ملازمت کرتا تھا۔
واقعے کی ویڈیو سوشل میڈیا پر تیزی سے وائرل ہو چکی ہے جس میں راکش کے گرنے اور اسے بچانے کی کوششوں کی دلخراش جھلک دیکھی جا سکتی ہے۔ یہ واقعہ نہ صرف اس کے اہل خانہ بلکہ مقامی کمیونٹی کے لیے بھی بڑا صدمہ بن گیا ہے۔
