گوگل نیوز پر ہمیں فالو کریںسابق بھارتی فاسٹ بولر وینکٹیش پرساد نے ایشیا کپ میں پاک بھارت میچ پر ریزرو ڈے رکھنے پر ایشین کرکٹ کونسل (اے سی سی) کو تنقید کا نشانہ بناڈالا۔
سماجی رابطے کی ویب سائٹ ایکس پر جاری اپنے پیغام میں سابق بھارتی فاسٹ بولر وینکٹیش پرساد نے لکھا کہ ایونٹ میں شریک دیگر دو ٹیموں کو بارش سے متاثرہ میچ میں ریزرو ڈے نہ ملنا غیر اخلاقی ہے۔
If true this is absolute shamelessness this. The organisers have made a mockery and it is unethical to have a tournament with rules being different for the other two teams.
In the name of justice, will only be fair if it is abandoned the first day, may it rain harder on the… https://t.co/GPQGmdo1Zx— Venkatesh Prasad (@venkateshprasad) September 8, 2023
انہوں نے کہا کہ 10 ستمبر کو شیڈول پاک بھارت میچ میں ریزرو ڈے کی خبر سچ ہے تو یہ انتطامیہ کی سراسر بے حسی ہے کیونکہ ایک ٹورنامنٹ میں دو ٹیموں کیلئے قانون الگ جبکہ دو ٹیموں کیلئے الگ قانون ناانصافی ہے۔
اس سے قبل بنگلادیش کے ہیڈ کوچ چندیکا ہتھورا سنگھے نے کہا کہ پاک بھارت میچ کیلئے ایشین کرکٹ کونسل (اے سی سی) کا فیصلہ سمجھ سے باہر ہے لیکن سری لنکا اور ہمارے میچ میں بھی ریزرو ڈے ملنا چاہیے تھا۔
بنگلا دیشی ہیڈکوچ کا کہنا تھا کہ ایشین کرکٹ کونسل کے فیصلے پر حیرت ہوئی لیکن ہم منتظمین نہیں اس لیے کچھ نہیں کہہ سکتے۔
واضح رہے کہ پاکستان اور بھارت کے درمیان ایشیاکپ کا پہلا گروپ میچ بارش کی نذر ہوگیا تھاجس پر دونوں ٹیموں کو ایک ایک پوائنٹ دیدیا گیا جبکہ براڈ کاسٹرز اور شائقین کو بھاری نقصان برداشت کرنا پڑا تھا۔
ایونٹ کے میزبان کی پاکستان کی جانب سے ایشین کرکٹ کونسل پر دباؤ ڈالا گیا تھا کہ کولمبو میں مسلسل بارش کی وجہ سے میچ مکمل ہونے میں مشکلات پیش آسکتی ہیں جس پر اے سی سی نے ریزرو ڈے کی منظوری دی۔
