پر امن احتجاج سب کا حق، ینگ ڈاکٹرز کو پتھراؤ نہیں کرنا چاہئے تھا۔حامد میر

اسلام آباد: معروف صحافی حامد میر نے کہا ہے کہ پر امن احتجاج سب کا حق ہے تاہم ینگ ڈاکٹرز کو مظاہرے کے دوران پتھراؤ نہیں کرنا چاہئے تھا۔

سماجی رابطے کی ویب سائٹ ٹوئٹر پرا پنے پیغام میں معروف صحافی حامد میر نے کہا کہ اسلام آباد میں احتجاج کرنے والے ینگ ڈاکٹرز پر پولیس نے شیلنگ کی اور کئی ڈاکٹرز کو گرفتار کرلیا جو نوجوان نسل کیلئے اچھا پیغام نہیں۔

اپنے ٹوئٹر پیغام میں معروف صحافی حامد میر نے کہا کہ ینگ ڈاکٹرز کو پی ایم سی کی عمارت پر پتھراؤ نہیں کرنا چاہئے تھا۔ پر امن احتجاج کا راستہ اختیار کرنا چاہئے کیونکہ پر امن احتجاج سب کا حق ہے۔ 

اسلام آباد میں احتجاج کرنے والے ینگ ڈاکٹرز پر پولیس کی شیلنگ اور کئی ڈاکٹرز کی گرفتاریاں نوجوان نسل کے لئے اچھا پیغام نہیں، ینگ ڈاکٹرز کو پی ایم سی کی عمارت پر پتھراؤنہیں کرنا چاہئیے تھا پرامن احتجاج کا راستہ اختیار کرناچاہئیے پرامن احتجاج سب کا حق ہے #PMC pic.twitter.com/dkiyzf0xKK

— Hamid Mir حامد میر (@HamidMirPAK) October 5, 2021

خیال رہے کہ اِس سے قبل وفاقی دارالحکومت اسلام آباد میں پولیس اور ڈاکٹرز کے مابین تصادم ہوا، پولیس نے ینگ ڈاکٹرز پر لاٹھی چارج اور شیلنگ بھی کی۔ دوسری جانب مظاہرین نے بھی پولیس افسران اور اہلکاروں کو تشدد کا نشانہ بنایا اور پتھراؤ کیا۔

آج  پاکستان میڈیکل کمیشن کے باہر ینگ ڈاکٹرز اور پولیس کے مابین تصادم ہوا۔ ینگ ڈاکٹرز عمارت میں داخل ہوگئے جنہیں نکالنے کی کوشش کی گئی۔پولیس نے ینگ ڈاکٹرز پر لاٹھی چارج کے علاوہ آنسو گیس کی شیلنگ بھی کی۔ 

مزید پڑھیں: اسلام آباد، ینگ ڈاکٹرز اور پولیس کا تصادم، لاٹھی چارج اور شیلنگ