گوگل نیوز پر ہمیں فالو کریںلاہور: پاکستان ائیر فورس میں صوبہ پنجاب کے شہر بورےوالا سے تعلق رکھنے والی حفصہ جاوید خاتون فائیٹر پائلٹ منتخب ہو گئیں۔
تفصیلات کے مطابق معروف شاعر و ڈاکٹر جاوید حیدر جوئیہ کی ہونہار بیٹی حفصہ جاوید نے پاکستان ائیر فورس کا امتحان پاس کر کے بورےوالا کی دھرتی سے پہلی خاتون فائیٹر پائلٹ منتخب ہونے کا اعزاز حاصل کر لیا۔
اس خوشی کے موقع پر بورےوالا کی مقامی سیاسی و سماجی شخصیات نے حفصہ جاوید کو مبارکباد دیتے ہوئے نیک خواہشات کا اظہار کرتے ہوئے کہا کہ ہمیں بورےوالا کی بیٹی حفصہ جاوید پر ناز ہے اور فخر ہے کہ پاکستان کا نام ہر گزرتے دن کے ساتھ مزید روشن کرے گی۔
اور وہ دن دور نہیں جب پاکستان اپنے جری اور بہادر بیٹوں اور بیٹیوں کے ساتھ ساتھ اپنی ہنر مند اور قابل بیٹیوں کی وجہ سے دنیا میں پہچانا جائے گا۔
یہ بھی پڑھیں:حکومتی ادارے کسی خواجہ سراء سے امتیازی سلوک نہ کریں۔لاہور ہائیکورٹ
