گوگل نیوز پر ہمیں فالو کریںضلع کرم میں دہشتگردوں کے خلاف آپریشن میں مادر وطن پر جان قربان کرنے والے مسیحی سپاہی ہارون ولیم اور انوش روفن کی آخری رسومات ادا کردی گئیں۔
آئی ایس پی آر کے مطابق سپاہی ولیم ہارون کی آخری رسومات سینٹ پال چرچ راولپنڈی میں ادا کی گئیں، جہاں وزیر اعظم شہبازشریف، آرمی چیف جنرل عاصم منیر اور وزیر دفاع خواجہ آصف نے بھی شرکت کی۔
29 سالہ سپاہی ہارون ولیم نے گزشتہ روز کرم میں مادر وطن کے دفاع میں اپنی جان قربان کی۔ ان کے ہمراہ ایک اور مسیحی سپاہی انوش رفون نے بھی اپنی جان مادر وطن پر نثار کر دی۔
آئی ایس پی آر کے مطابق وزیر اعظم نے مسیحی برادری کی ملکی ترقی میں خدمات اور قربانیوں کو سراہتے ہوئے کہا کہ مسلح افواج مختلف پس منظر سے تعلق رکھنے والے مشتمل افراد کا مجموعہ ہے جو ریاست کے اجتماعی دفاع کے لیے کوشاں ہے۔
آئی ایس پی آر کے مطابق آرمی چیف نے سپاہی ہارون ولیم، سپاہی انوش اور ان کے ساتھیوں کی خدمات کو سراہا۔
آئی ایس پی آرکے مطابق حوالدار عقیل احمد، لانس نائیک محمد تفیر، سپاہی انوش روفن اور سپاہی محمد اعظم خان کی تدفین ان کے آبائی علاقوں میں کی گئی ہے۔
