گوگل نیوز پر ہمیں فالو کریںاسلام آباد: وفاقی وزیر اطلاعات مریم اورنگزیب نے کہا ہے کہ انتخابات اکتوبر 2023 میں ہوں گے اور مخلوط حکومت اپنی مدت پوری کرے گی۔
اسلام آباد میں پریس کانفرنس کرتے ہوئے مریم اورنگزیب نے کہا کہ الیکشن کی تاریخ اکتوبر 2023 ہے۔ وزیر اطلاعات نے ڈیلی میل کی کہانی اور اس کی اطلاع دینے والے شخص کے ساتھ پی ٹی آئی کے ظاہری تعلق کے بارے میں بات چیت کی۔
وفاقی وزیر اطلاعات کا کہنا تھا کہ ظلم کا حساب عمران خان کو دینا پڑے گا، انہوں نے رانا ثناء اللہ کے جیل سیل میں کیڑیاں چھوڑیں، انہوں نے اپنے اختیارات کا ناجائز استعمال کیا، آج کہتے ہیں نیب کے قانون میں ترامیم کر کے فائدہ اٹھا رہے ہیں، کیا ڈیلی میل بھی ہمارے ساتھ مل گیا ہے۔
مزید پڑھیں:منشیات برآمدگی کیس، عدالت نے وزیر داخلہ رانا ثناء اللہ کو بری کردیا
قبل ازیں وزیر اطلاعات مریم اورنگزیب سے سینیئر صحافیوں کے وفد کی ملاقات ہوئی جس میں صحافیوں نے مریم اورنگزیب سے ان کی خالہ اور ن لیگ کی سینیئر رہنما نجمہ حمید کے انتقال پر اظہار تعزیت کیا، مرحومہ نجمہ حمید کے ایصالِ ثواب کے لیے پی ٹی وی ہیڈ کوارٹر میں فاتحہ خوانی کا انعقاد کیا گیا۔
