گوگل نیوز پر ہمیں فالو کریںاسلام آباد: وفاقی حکومت نے اشتر اوصاف علی کو نیا اٹارنی جنرل مقرر کردیا۔
تفصیلات کے مطابق وزیر اعظم شہباز شریف نے اشتر اوصاف علی کی بطور اٹارنی جنرل پاکستان تعیناتی کی منظوری دے دی۔
خیال رہے کہ اشتر اوصاف علی نواز شریف کے دور میں بھی اٹارنی جنرل رہ چکے ہیں اور وہ ماضی میں وزیر اعظم کے اسپیشل اسسٹنٹ قانون وانصاف بھی رہ چکے ہیں، اشتر اوصاف علی دو مرتبہ ایڈووکیٹ جنرل پنجاب بھی رہے ہیں۔
اشتراوصاف علی صوبہ کے پراسیکیوٹر جنرل بھی رہ چکے ہیں۔ اس کے علاوہ پانامہ کیس، جے آئی ٹی اور دیگر کیسوں کے دوران بھی اشتراوصاف اٹارنی جنرل تھے جبکہ نیول سیلنگ کلب کیس میں سابق نیول چیف ایڈمرل (ر) ظفر محمود عباسی کے وکیل بھی ہیں۔
یہ بھی پڑھیں: افغانستان میں سیلاب سے متاثرہ علاقوں کیلئے پاکستان کی پہلی امدادی کھیپ پہنچ گئی
