گوگل نیوز پر ہمیں فالو کریںملک و قوم کے لئے ہر طرف سے منفی خبروں کے بیچ یہ پر مسرت خبر سامنے آئی ہے کہ آئل اینڈ گیس ڈویلپمنٹ کمپنی لمیٹڈ (او جی ڈی سی ایل) نے خیبر پختونخوا اور سندھ میں واقع فیلڈز سے تیل اور گیس کی پیدا وار شروع کر دی۔
او جی ڈی سی ایل کی جانب سے جاری اعلامیے میں کہا گیا ہے کہ ضلع کوہاٹ میں واقع چندا کنواں نمبر 7 سے پیدا وار شروع کردی ہے۔
ترجمان نے کہا کہ نئے کنویں سے 305 بیرل یومیہ خام تیل اور 25 لاکھ مکعب فٹ یومیہ گیس کی پیدا وار حاصل کی جا رہی ہے ۔گیس کی پیدا وارکو سوئی ناردرن نیٹ ورک میں شامل کر دیا گیا ہے۔
ترجمان کے مطابق صوبہ سندھ کے ضلع حیدر آباد میں واقع کنر کنواں نمبر 8 کی کامیاب کھدائی کے بعد یومیہ 540 بیرل خام تیل کی پیدا وارشروع ہو گئی ہے۔
اوجی ڈی سی ایل ترجمان کے مطابق نئی پیدا وار سے درآمدی بل میں سالانہ 3 کروڑ 82 لاکھ ڈالر کی بچت ہو گی۔
