پاکستان میں سونے کی قیمتوں میں کمی، آج کے نئے نرخ متوقع

پاکستان میں گزشتہ دنوں سونے کی قیمت میں کمی واقع ہوئی ہے اور ہفتے کے روز فی تولہ سونا 3 لاکھ روپے پر فروخت ہوا تاہم اتوار کو مارکیٹ بند ہونے کے باعث نئے نرخ جاری نہیں کیے گئے۔ تازہ ترین قیمتوں کا اعلان آج متوقع ہے۔

تفصیلات کے مطابق آل پاکستان صرافہ جیولرز ایسوسی ایشن کے مطابق ہفتے کے روز 24 قیراط فی تولہ سونے کی قیمت میں 500 روپے کی کمی ہوئی جس کے بعد قیمت 3 لاکھ روپے پر آ گئی جبکہ اس سے پچھلے کاروباری روز فی تولہ قیمت 3 لاکھ 500 روپے پر تھی۔

اسی طرح 24 قیراط 10 گرام سونے کی قیمت میں 438 روپے کمی ہوئی جس کے بعد یہ 2 لاکھ 57 ہزار 201 روپے پر آ گئی جبکہ پہلے یہ 2 لاکھ 57 ہزار 639 روپے تھی۔

دوسری جانب 22 قیراط 10 گرام سونے کی قیمت میں بھی 393 روپے کمی ہوئی جس کے بعد یہ 2 لاکھ 35 ہزار 776 روپے ہو گئی جبکہ اس سے پہلے یہ 2 لاکھ 36 ہزار 169 روپے پر تھی۔

آج مارکیٹ کھلنے کے بعد سونے کے تازہ نرخ جاری کیے جائیں گے جس سے مزید کمی یا استحکام کے بارے میں واضح معلومات مل سکیں گی۔