گوگل نیوز پر ہمیں فالو کریںفلسطین سے تعلق رکھنے والی 10 سالہ بچی ریناد عطالہ کی غزہ پر اسرائیل کی بمباری کے دوران کھانا پکانے اور دنیا کے ساتھ اپنی ترکیبیں شیئر کرنے کی ویڈیو سوشل میڈیا پر وائرل ہوگئیں۔
کھانے کی قلت اور انٹرنیٹ کی معطلی کے چیلنجوں کے باوجودریناد کے کھانا پکانے کے شوق نے لاکھوں لوگوں کو متاثر کیا ہے۔
اپنی ویڈیوز میں وہ عطیہ کردہ اشیاء کے ذریعے کھانا پکاتی ہیں کیونکہ غزہ کو اسرائیل کے محاصرے کی وجہ سے خوراک کی شدید قلت کا سامنا ہے۔
ریناد نے الجزیرہ سے بات کرتے ہوئے کہا کہ مجھے کھانا پکانا ہمیشہ سے پسند ہے لیکن میں نہیں جانتی تھی کہ جنگ شروع ہونے سے پہلے مجھے یہ ہنر حاصل تھا۔ریناد نے کہا کہ وہ سوشل میڈیا پر اپنی ترکیبیں اکثر پوسٹ کرنے کی کوشش کرتی ہیں کیونکہ غزہ کو بھی انٹرنیٹ کی معطلی کا سامنا ہے۔
ان کا کہنا ہے کہ بمباری، جنگی طیاروں ، ڈرونز اور انٹرنیٹ کی عدم موجودگی کی وجہ سے جب بھی انٹرنیٹ سروس واپس آتی ہے تومیں اپنے مواد اور اپنی پوسٹس میں خود کو مصروف رکھتی ہوں۔
ریناد کی بہن نورہان عطالہ نے انکشاف کیا کہ ریناد کے کھانا پکانے کو آن لائن شیئر کرنے کا خیال “جنگ کے دوران اس کے شوق کو بڑھانے کے ایک طریقہ” کے طور پر شروع ہوا۔
“ہم ان کا کہنا ہے کہ ہم جنگ کے آغاز سے ہی گھر میں پھنسے ہوئے تھے، ہم نے ریناد کو خوش کرنے کے لیے کچھ کرنے کی کوشش کی۔ اس لیےہم نے اس کے کھانا پکانے کی فلم بندی شروع کیجس کو سوشل میڈیا پر بہت زیادہ سراہا جارہا ہے۔
انسٹاگرام پر نصف ملین سے زیادہ پیروکاروں کے ساتھ ریناد کی کھانا پکانے کی ویڈیوز سوشل میڈیا پر بہت زیادہ پسند کی جاتی ہیں۔
