گوگل نیوز پر ہمیں فالو کریںپنجاب کے شہر میانوالی میں گاڑی نہر میں جاگرنے کے باعث سرائیکی لوک گلوکار شرافت علی سمیت 7افراد جاں بحق ہوگئے ہیں۔
تفصیلات کے مطابق شادی کی تقریب میں شرکت کے بعد سرائیکی لوک گلوکار شرافت علی کی گاڑی گھر واپس جاتے ہوئے پکا کھنجیرہ کے مقام پر بے قابو ہو کر نہر میں جاگری۔ گاڑی پر سوار سات افراد ڈوب گئے جن میں سے کوئی بھی شخص جانبر نہ ہوسکا۔
ڈیرہ غازی خان میں زائرین کی ٹریکٹر ٹرالی نہر میں جاگری، 5 افراد جاں بحق
لوک گلوکار سمیت 7افراد جاں بحق ہوگئے۔ واقعے کی اطلاع ملنے پر ریسکیو ٹیموں نے امدادی کارروائی کا آغاز کیا اور سات افراد کی میتیں نہر سے نکال کر ڈی ایچ کیو ہسپتال منتقل کردیں۔
خیال رہے کہ اس سے قبل درگاہ سخی سرور پر 40 سے زائد زائرین کو لے جانے والی ٹریکٹر ٹرالی ایئرپورٹ کے قریب نہر میں جاگری جس کے نتیجے میں کم از کم 5 افراد جاں بحق ہوگئے۔
یہ حادثہ مارچ کے دوران ڈیرہ غازی خان میں پیش آیا جہاں زائرین کی ٹریکٹر ٹرالی تیز رفتاری کے باعث نہر میں جاگری۔حادثے میں 5 افرادجان کی بازی ہارگئے، 15 افراد کو بچالیا گیا اوردیگر کی تلاش کے لئے آپریشن شروع کردیا گیا۔
