جنوبی پنجاب صوبہ بنانے کے متعلق اعلان، شاہ محمود قریشی وزیر اعظم کے شکرگزار

اسلام آباد: وزیر اعظم نے جنوبی پنجاب کو صوبہ بنانے سے متعلق اعلان کیا ہے جس پر وزیر خارجہ شاہ محمود قریشی نے عمران خان کا شکریہ ادا کیا۔

سماجی رابطے کی ویب سائٹ ٹوئٹر پر اپنے پیغام میں وزیر خارجہ شاہ محمود قریشی نے کہا کہ پی ٹی آئی کے منشور میں جنوبی پنجاب کے عوام کیلئے الگ صوبہ بنانے کا وعدہ کیا گیا ہے۔

یہ بھی پڑھیں:

وزیر خارجہ کی جنوبی پنجاب صوبے پر شہباز اور بلاول سے تعاون کی درخواست

ٹوئٹر پیغام میں وزیر خارجہ شاہ محمود قریشی نے کہا کہ میں وزیر اعظم عمران خان کا مشکور ہوں کہ انہوں نے جنابی پنجاب کے عوام کی دیرینہ خواہش پوری کرتے ہوئے تاریخی اعلان کیا۔

پی ٹی آئی کے منشور میں جنوبی پنجاب کے عوام کے لیے الگ صوبہ بنانے کا وعدہ کیا گیا میں وزیراعظم @ImranKhanPTI کا مشکور ہوں کہ انہوں نے جنوبی پنجاب کے عوام کی دیرینہ خواہش کو پورا کرتے ہوئے تاریخی اعلان کے ساتھ اس کو حقیقت کا روپ دینے کے لیے بھرپور عزم کا اظہار کیا۔

— Shah Mahmood Qureshi (@SMQureshiPTI) March 7, 2022

وزیر خارجہ نے شکریہ ادا کرتے ہوئے کہا کہ عوام کی دیرینہ خواہش پوری کرتے ہوئے تاریخی اعلان کے ساتھ وزیر اعظم نے اس کو حقیقت کا روپ دینے کیلئے بھرپور عزم کا اظہار کیا۔ 

خیال رہے کہ اس سے قبل وزیر خارجہ نے جنوبی پنجاب کے قیام سے متعلق امور پر تعاون کیلئے صدر ن لیگ شہباز شریف اور چیئرمین پی پی پی بلاول بھٹو زرداری کو خطوط ارسال کیے۔

گزشتہ ماہ وزیر خارجہ نے کہا کہ ترمیمی بل پر ن لیگ اور پیپلز پارٹی کی توجہ اور تجاویز طلب کی گئی ہیں۔ ن لیگ کے صدر سے پارٹی کے دو امیدواروں کے نام پوچھے تھے لیکن خط کا جواب نہیں ملا۔