گوگل نیوز پر ہمیں فالو کریںلاہور: پاکستان کے پہلے سکھ شہری کلیان سنگھ کلیان نے ڈاکٹریٹ (پی ایچ ڈی) کی سند حاصل کر لی ہے۔ 42سالہ کلیان سنگھ ملک کی تاریخ میں وہ پہلے سکھ ہیں جنہیں یہ اعزاز حاصل ہوا۔
تفصیلات کے مطابق کلیان سنگھ کلیان نے اپنی ڈاکٹریٹ کی ڈگری جامعہ پنجاب سے ممتاز پنجابی زبان کے ممتاز محقق پروفیسر ڈاکٹر نوید شہزاد کی زیر نگرانی مکمل کی ہے۔ مقالے کا عنوان سندھ مذہب کے بانی بابا گرونانک سے متعلق ہے۔
ایم فل خواجہ سراء نے تعلیم اور پیشہ ورانہ میدان میں کامیابیوں کے جھنڈے گاڑدئیے
ملک کے پہلے سکھ اسسٹنٹ پروفیسر کلیان سنگھ کلیان نے اپنی والدہ کے نام منسوب کیے گئے 600 صفحات کے مقالے کا عنوان گرونانک کی تعیلمات میں انسانی دوستی کا فلسفہ رکھا ہے۔ کلیان سنگھ کا کہنا ہے کہ ملک کا پہلا پی ایچ ڈی سکھ ہونا اعزاز کی بات ہے۔
پنجاب کے شہر ننکانہ صاحب میں 12دسمبر 1979 کو پیدا ہونے والے سردار کلیان سنگھ کلیان نے ابتدائی تعلیم گورنمنٹ گرونانک ہائی اسکول میں حاصل کی جہاں بلا امتیاز مذہب تمام عقائد کے ماننے والے طلبہ زیر تعلیم تھے۔
پی ایچ ڈی کی ڈگری مکمل کرنے پر سکھ مذہب سے تعلق رکھنے والے انگد سنگھ خالصہ سمیت دیگر سوشل میڈیا صارفین نے بھی کلیان سنگھ کلیان کو ڈاکٹریٹ کی ڈگری کے حصول پر مبارکباد دی ہے۔
I would like to congratulatet Kalyan Singh Kalyan for becoming first Sikh candidate to receive his Ph.D. degree in Pakistan. He was also first peraon who was appointed as Professor of Punjabi language in Pakistan.
Congratulations! pic.twitter.com/UpiEuY2tnk— okayimfine (@thehawak84) February 15, 2022
