گوگل نیوز پر ہمیں فالو کریںوفاقی وزیر برائے سائنس و ٹیکنالوجی فواد چوہدری نے کہا ہے کہ وفاقی دارالحکومت اسلام آباد میں برقی گاڑیوں کیلئے پہلا چارجنگ اسٹیشن قائم ہوگیا ہے ۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر فواد چوہدری نے کہا کہ ہم عرب امارات کو عرب دُنیا کے پہلے خلائی مشن کیلئے مبارکباد دیتے ہیں جبکہ محمد بن راشد اسپیس سینٹر نے تاریخی مشن خلاء میں بھیجا۔
پیغام میں وزیرِ سائنس و ٹیکنالوجی فواد چوہدری نے کہا کہ وفاقی حکومت اور پاکستان کے عوام مریخ کی تسخیر کیلئے خلاء میں پرواز کرنے والے مشن کی کامیابی کیلئے پرجوش ہیں۔
Many Congratulations to UAE on launching Arab Worlds first ever #SpaceMission special compliments to Mohammad bin Rashid Space Centre for executing this land mark #EmiratesMarsMission Govt and people of Pakistan are excited for the success of this mission
— Ch Fawad Hussain (@fawadchaudhry) July 20, 2020
وفاقی وزیر فواد چوہدری نے کہا کہ مجھے اسلام آباد میں قائم ہونے والے پہلے چارجنگ اسٹیشن کے افتتاح پر بھی بے حد خوشی ہے جبکہ اسلام آباد میں اٹک آئل نے جناح ایونیو اسلام آباد میں یہ اسٹیشن قائم کیا ہے۔
وزیرِ مملکت برائے سائنس و ٹیکنالوجی نے کہا کہ وزارتِ سائنس و ٹیکنالوجی نے چارجنگ اسٹیشن کے قیام کے ساتھ ہی ایک نیا سنگِ میل عبور کیا ہے۔ جبکہ ہم چاہتے ہیں کہ مستقبل کی آمدورفت ای وہیکلز کے ذریعے ہو۔
Extremely excited to see launching of first Electric Car Charging Station in Islamabad #AttockOil is opening flagship EV charging facility at Jinnah Avenue Islamabd, This was another target of @MinistryofST to encourage E vehicles as future transportation ..
— Ch Fawad Hussain (@fawadchaudhry) July 20, 2020
یاد رہے کہ اِس سے قبل متحدہ عرب امارات نے سرخ سیارے (مریخ) کی تسخیر کیلئے مشن کی ابتدا کرتے ہوئے سائنسی انقلاب کا آغاز کردیا جبکہ کسی بھی عرب ملک کی طرف سے خلاء میں بھیجا جانے والا یہ اپنی نوعیت کا پہلا مشن ہوگا۔
مقامی وقت کے مطابق آج صبح 6 بج کر 58 منٹ پر کسی انسان کو ساتھ لیے بغیر خلائی جہاز نے جاپان کے تنیگاشیما اسپیس سینٹر سے پرواز بھری جس پر متحدہ عرب امارات میں بھرپور جوش و خروش کا مظاہرہ کیا گیا۔
مزید پڑھیں: متحدہ عرب امارات نے مریخ کیلئے مشن کا آغاز کردیا
