گوگل نیوز پر ہمیں فالو کریںلاہور: وفاقی وزیر برائے مذہبی امور و ہم آہنگی سردار محمد یوسف نے کہا ہے کہ حکومت کی جانب سے حاجیوں کے لیے بہترین انتظامات کیے جائیں گے، سال 2025 کی سرکاری اسکیم کے تحت 90 ہزار افراد حج کرسکیں گے۔
ہنجاب کے صوبائی دارالحکومت لاہور میں پریس کانفرنس کے دوران وفاقی وزیر برائےمذہبی اموروہم آہنگی سردار محمد یوسف نے کہا کہ وزیراعظم شہباز شریف نے عوام کو بجلی سستی کر کے خوشخبری سنائی، حکومت اور عوام مبارکباد کے مستحق ہیں، ہماری اتحادی حکومت عام آدمی کو ریلیف دینے کے مشن پر ہے۔
وفاقی وزیر برائے مذہبی امور نے کہا کہ رواں سال 90 ہزار پاکستانی سرکاری اسکیم کے تحت حج کرسکیں گے، سعودی عرب اور پاکستان میں تمام انتظامات مکمل کر لیے گئے، مختصر مدت کے حج کے 11 لاکھ 50 ہزار روپے اور طویل مدتی حج کے 10 لاکھ 50 ہزار مختص کیے گئے ہیں۔
وزیر مذہبی امور سردار محمد یوسف نے کہا کہ حج اور عمرے کے انتظامات کر نا میری وزارت کا کام ہے، رمضان میں خود جا کر سعودی عرب میں انتظامات کا جائزہ لیا، 28 مئی کو متوقع طور پر حج آپریشن شروع ہوجائے گا، رمضان سے قبل حاجیوں کی تربیت کا پہلا مرحلہ مکمل کیا جبکہ دوسرا تربیتی سیشن جلد شروع کریں گے۔
