گوگل نیوز پر ہمیں فالو کریںاسلام آباد: سابق وزیرِ اطلاعات فواد چوہدری نے کہا ہے کہ سندھ پولیس نے پی ٹی آئی کے سینیٹر اعظم سواتی کو انہی مقدمات میں گرفتار کیا ہے جو بلوچستان ہائیکورٹ نے خارج کردئیے تھے۔
سماجی رابطے کی ویب سائٹ ٹوئٹر پر گزشتہ روز اپنے پیغام میں پی ٹی آئی رہنما فواد چوہدری نے کہا کہ اس وقت انسانی حقوق کے حالات یہ ہیں کہ بلوچستان ہائیکورٹ اعظم سواتی پر مقدمہ خارج کرنے کا حکم دیتی ہے اور وزیر اعلیٰ سندھ کا جہاز کوئٹہ پہنچ جاتا ہے۔
مافیاز کے خلاف جنگ جاری رہے گی، عمران خان کا ویڈیو پیغام
ٹوئٹر پیغام میں سابق وفاقی وزیر فواد چوہدری نے کہا کہ اعظم سواتی کو سندھ کے حوالے کیا گیا اور سندھ پولیس نے انہی مقدمات میں گرفتاری ڈالی جو بلوچستان ہائی کورٹ نے خارج کردئیے تھے۔ پیپلز پارٹی کے وزیر اعلیٰ کے جہاز پر اعظم سواتی کو لاڑکانہ پہنچایا گیا۔
پیپلز پارٹی کے وزیر اعلیٰ کے جہاز پر اعظم سواتی کو لاڑکانہ پہنچایا جاتا ہے جہاں قمبر پولیس اداروں پر تنقید کا جعلی کیس بناتی ہے اور انھیں لاڑکانہ سے قمبر پہنچایا جاتا ہے، یہ ہے پاکستان کے سینئر سیاستدان اور سینیٹر کے انسانی حقوق،
— Ch Fawad Hussain (@fawadchaudhry) December 9, 2022
سابق وزیرِ اطلاعات فواد چوہدری نے کہا کہ لاڑکانہ میں اعظم سواتی کو قمبر پہنچایا گیا اور قمبر پولیس نے پی ٹی آئی کے سینیٹر پر اداروں پر تنقید کا جعلی کیس بنا دیا۔ یہ پاکستان کے سینئر سیاستدان اور سینیٹر کے انسانی حقوق ہیں۔
خیال رہے کہ گزشتہ روز ہی بلوچستان ہائیکورٹ نے پی ٹی آئی کے سینیٹر اعظم سواتی کے خلاف ایک ہی معاملے میں درج تمام مقدمات خارج کرنے کا حکم دیتے ہوئے انہیں رہا کرنے کی ہدایت کی تھی۔ پی ٹی آئی کا کہنا ہے کہ اعظم سواتی کی سندھ پولیس کو حوالگی عدالتی احکامات کی خلاف ورزی ہے۔
