گوگل نیوز پر ہمیں فالو کریںاسلام آباد: پی ٹی آئی رہنما و سابق وزیرِ اطلاعات فواد چوہدری نے کہا ہے کہ ملک کی پہلی خاتون وزیر اعظم محترمہ بے نظیر بھٹو کی برسی پر اسٹیبلشمنٹ کی کٹھ پتلیوں نے تماشا لگا دیا۔
تفصیلات کے مطابق گزشتہ روز چیئرمین پیپلز پارٹی و وزیر خارجہ بلاول بھٹو زرداری سمیت پیپلز پارٹی رہنما گڑھی خدا بخش پہنچے اور بے نظیر بھٹو کی برسی کے موقعے پر ہونے والے جلسے میں چیئرمین پی ٹی آئی عمران خان پر تنقید کی۔
دو چور خاندانوں نے ادارے ٹھیک نہیں ہونے دئیے۔ عمران خان
سماجی رابطے کی ویب سائٹ ٹوئٹر پر اپنے پیغام میں پی ٹی آئی رہنما فواد چوہدری نے کہا کہ اسٹیبلشمنٹ کی کٹھ پتلیوں نے تماشا لگایا۔ اقتدار حاصل کرنے کیلئے آصف زرداری اور بلاول بھٹو زرداری دستور اور جمہوریت پر شرمناک حملوں کے سہولت کار تھے۔
ٹوئٹر پیغام میں فواد چوہدری نے کہا کہ حملوں کی سہولت کاری کے باعث ملک بھر میں دہشت گردی دوبارہ سر اٹھا رہی ہے۔ صوبوں کو وسائل سے محروم اور اظہارِ رائے کی آزادیاں مصلوب کی جارہی ہیں جبکہ سندھ کے عوام کو سیلاب کا سامنا تھا۔
Establishment کی کٹھ پتلیوں نے آج بے نظیر بھٹو کے مزار پر تماشہ لگایا، زرداری اینڈ سن نے بے نظیر کے فلسفے ہر وہ گہری ضرب لگائ کہ بے نظیر کے قاتل بھٹو کو ختم نہیں کر سکے لیکن پیپلز پارٹی کی وفاقی حیثئت کو ختم کر کے انھوں نے بینظیر کے دشمنوں کا مشن پورا کر دکھایا
— Ch Fawad Hussain (@fawadchaudhry) December 27, 2022
سابق وزیرِ اطلاعات فواد چوہدری نے کہا کہ زرداری اینڈ سن نے بے نظیر بھٹو کے فلسفے پر وہ گہری ضرب لگائی کہ بے نظیر کے قاتل بھٹو کو ختم نہیں کرسکے لیکن پی پی پی کی وفاقی حیثیت کو ختم کرکے انہوں نے بے نظیر کے دشمنوں کا مشن پورا کر دکھایا۔
آج ملک میں صرف ایک وفاقی پارٹی اور ملک کا صرف ایک لیڈر ہے، چاغی کے پہاڑوں سے خیبر تک اور لاہور سے کراچی تک عمران خان کی للکار ہے سیاسی بونے صرف جعلی تقریروں سے سیاست میں زندہ نہیں رہ سکتے
— Ch Fawad Hussain (@fawadchaudhry) December 27, 2022
فواد چوہدری نے کہا کہ آج ملک میں صرف ایک وفاقی پارٹی اور ملک کا صرف ایک لیڈر ہے۔ چاغی کے پہاڑوں سے خیبر اور لاہور سے کراچی تک عمران خان کی للکار ہے۔ سیاسی بونے جعلی تقریروں سے سیاست میں زندہ نہیں رہ سکتے۔
انہوں نے کہا کہ سندھ کے عوام سیلاب کا شکار تھے اور زرداری کے حواری سندھ کا پیسہ ضمیروں کی منڈیوں میں جھونکتے رہے۔ انتخاب سے فرار میں زندگی تلاش کرنے والوں کو عوام کے سامنے کھڑا کردیں گے۔
