گوگل نیوز پر ہمیں فالو کریںاسلام آباد: وفاقی وزیرِ سائنس و ٹیکنالوجی فواد چوہدری نے کہا ہے کہ پاکستان اور بھارت میں امن برابری کی سطح پر قائم ہوسکتا ہے، بھارت کو چالاکیاں کام نہیں آئیں گی۔
سماجی رابطے کی ویب سائٹ ٹوئٹر پر اپنے پیغام میں وزیرِ سائنس و ٹیکنالوجی فواد چوہدری نے کہا کہ پاکستان اور بھارت میں امن اِس خطے کی ترقی کا ضامن ہے لیکن امن صرف خواہش ہی رہے گا اگر بھارت کشمیر پر حق جتائے۔
وزیرِ سائنس و ٹیکنالوجی فواد چوہدری نے کہا کہ اگر بھارت یہ سمجھے کہ کشمیر پر پاکستان بھارت کا آئینی حق تسلیم کرے تو ایسی چالاکیاں نہ کبھی پہلے کام آئیں اور نہ ہی اب آسکیں گی۔
فواد چوہدری نے نریندر مودی کا وزیرِ اعظم عمران خان کے نام خط شیئر کرتے ہوئے کہا کہ امن اِس خطے کو معاشی سپر پاور بنا سکتا ہے لیکن شرط یہ ہے کہ امن برابری کی سطح پر قائم کیا جائے۔
پاکستان اور بھارت میں امن اس خطے کی ترقی کا ضامن ہے لیکن امن صرف خواہش ہی رہے گا اگر ہندوستان یہ سمجھےکہ کشمیر پر پاکستان ہندوستان کا آئینی حق تسلیم کرے ایسی چالاکیاں نہ کبھی پہلے کام آئیں نہ ہی اب آسکیں گی،امن اس خطےکو معاشی سپرپاور بنا سکتا ہے لیکن شرط یہ ہےکہ امن برابری پر ہو pic.twitter.com/voCu1Cq53E
— Ch Fawad Hussain (@fawadchaudhry) March 24, 2021
یاد رہے کہ اِس سے قبل وفاقی وزیرِ سائنس و ٹیکنالوجی فواد چوہدری نے کہا کہ اگر سابق وزیرِ اعظم نواز شریف اور سابق صدرِ مملکت آصف علی زرداری کو سزا نہ ہوئی تو نیب بند کرکے ڈھابہ کھول لینا چاہئے۔
ٹوئٹر پر2 روز قبل اپنے پیغام میں وزیرِ سائنس و ٹیکنالوجی فواد چوہدری نے کہا کہ عوام کی نیب سے توقع ہے کہ مقدمات کو منطقی انجام تک پہنچایا جائے جبکہ ملزمان کو روزانہ تھیٹر لگانے کے مواقع فراہم کرنا مایوس کن ہے۔
مزید پڑھیں: زرداری کو سزا نہ ہوئی تو نیب بند کرکے ڈھابہ کھول لینا چاہئے۔فواد چوہدری
