گوگل نیوز پر ہمیں فالو کریںکراچی: سابق صدر آصف علی زرداری کی ہمشیرہ اور پیپلز پارٹی کی مرکزی رہنما فریال تالپور کی نااہلی سے متعلق کیس کا فیصلہ آج سنایا جائے گا۔
تفصیلات کے مطابق الیکشن کمیشن آف پاکستان میں فریال تالپور کے خلاف کیس کا فیصلہ آج 12بج کر 30 منٹ پر سنایا جائے گا۔ کمیشن نے فریقین کو کیس سے متعلق نوٹسز جاری کردئیے۔
آصف زرداری اور فریال تالپور پرفرد جرم عائد
خیال رہے کہ پاکستان تحریکِ انصاف کے رہنماؤں نے فریال تالپور پر بدعنوانی کے الزامات لگائے ہیں۔ نااہلی سے متعلق کیس کیلئے درخواست اراکینِ اسمبلی ارسلان تاج گھمن اور رابعہ اظفر نظامی نے دائر کی تھی۔
خیال رہے کہ اس سے قبل احتساب عدالت نے جعلی بینک اکاؤنٹس کیس میں پاکستان پیپلز پارٹی کے شریک چیئرمین آصف علی زرداری اور ان کی ہمشیرہ فریال تالپور پر فرد جرم عائد کردی۔
احتساب عدالت نے آج سے 2 سال قبل جون 2020 میں منی لانڈرنگ کے کیس میں دونوں ملزمان کی حاضری سے استثنیٰ کی درخواستوں کو قبول کرتے ہوئے مزید کارروائی ملتوی کی۔
قومی احتساب بیورو کے پراسیکیوٹر نے عدالت سے آصف علی زرداری اور فریال تالپور پر فرد جرم عائد کرنے کی درخواست کی تھی ،ان کا کہنا تھا کہ ریفرنس کی کاپیاں پہلے ہی متعلقہ حکام کو پیش کی جاچکی ہیں۔
