گوگل نیوز پر ہمیں فالو کریںرقصِ بسمل سمیت مختلف ڈراموں میں اداکاری کے جوہر دکھانے والی سارہ خان نے زندگی کی 29 بہاریں دیکھ لیں، سالگرہ کے موقعے پر شریکِ حیات فلک شبیر نے انہیں یادگار تحفہ دیا ہے۔
تفصیلات کے مطابق فلک شبیر نے اہلیہ سارہ خان کیلئے گلابی رنگ کی تھیم کے ساتھ پارٹی دی اور سالگرہ کا تحفہ پیش کیا جس پر اداکارہ نے خوشی کا اظہار کیا ہے۔
فوٹو شیئرنگ پلیٹ فارم انسٹا گرام پر اپنے پیغام میں اداکارہ سارہ خان نے کہا کہ آپ جیسے شوہر کو پانے کیلئے مجھے بھی کوئی بہت یادگار اقدام اٹھانا چاہئے تھا۔
View this post on Instagram
گلابی رنگ سے بھرپور سالگرہ کی پارٹی میں فلک شبیر اور سارہ خان نے بہت سی تصاویر کھنچوائیں جو مداحوں کے ساتھ بھی شیئر کی گئی ہیں۔
سالگرہ کے موقعے پر خوبصورت پھولوں کا تحفہ پیش کرتے ہوئے فلک شبیر نے اپنی اہلیہ کیلئے ہیپی برتھ ڈے کا روایتی گیت گنگنایا جس کی مختصر ویڈیو مداحوں کے ساتھ بھی شیئر کی گئی ہے۔
View this post on Instagram
آئندہ 2 روز میں فلک شبیر اور سارہ خان اپنی شادی کی پہلی سالگرہ منائیں گے جبکہ دونوں کی شادی گزشتہ برس 16 جولائی کے روز ہوئی تھی۔ مداحوں سے سرپرائز کا وعدہ بھی کرلیا گیا۔
میں کیسے کہوں؟ اور محبت آگ سی سمیت متعدد ڈراموں میں اداکاری کرنے والی فنکارہ سارہ خان کے ہاں ننھے مہمان کی آمد بھی متوقع ہے جس کی خوشخبری پہلے ہی مداحوں کے ساتھ شیئر کی جاچکی ہے۔
یہ بھی پڑھیں: حرامانی کی کینسر میں مبتلا معصوم بچے کے علاج کیلئے مدد کی اپیل
