گوگل نیوز پر ہمیں فالو کریںشوبز انڈسٹری کے معروف اداکار اور شو ہوسٹ فہد مصطفیٰ نے ٹی وی پروگرام کے دوران شعیب ملک سے شادی کے حوالے سے ثنا جاوید پر ایسا طنز کیا کہ وہ شرم سے پانی پانی ہوگئیں۔
فہد مصطفیٰ کے گیم شو میں ثناء جاوید ایک بار پھر مہمان کے طور پر شامل ہوئیں اور دوران پروگرام انھوں نے فہد سے کہا، ’’مجھے یہاں لڑکے نظر نہیں آ رہے، براہ کرم گیم کےلیے چند لڑکے ڈھونڈ دیں۔‘‘
اس پر فہد نے اپنے مخصوص مزاحیہ انداز میں جواب دیا، ’’یہاں بہت سے لڑکے موجود ہیں، ہجوم میں دیکھیں! لیکن اب میں آپ کےلیے مزید لڑکے نہیں ڈھونڈوں گا۔ ایک تو میں پہلے ہی ڈھونڈ چکا ہوں!‘‘
فہد کے اس طنزیہ جملے نے نہ صرف ثناء جاوید کو شرمندہ کردیا، بلکہ پورے اسٹوڈیو کو قہقہوں سے بھر دیا۔ ثناء نے فہد کو روکنے کی کوشش کی، لیکن تب تک یہ لمحہ کیمرے میں قید ہوچکا تھا۔ جیسے ہی یہ کلپ سوشل میڈیا پر وائرل ہوا، صارفین کے ملے جلے ردعمل سامنے آنا شروع ہو گئے۔
سوشل میڈیا صارفین کا ردعمل
کچھ صارفین کا کہنا تھا کہ فہد نے ثناء کو خوب آڑے ہاتھوں لیا اور وہ اس طنز کی مستحق تھیں۔ ایک صارف نے تبصرہ کیا، ’’انہیں شادی کے فوراً بعد جیتو پاکستان میں شامل نہیں ہونا چاہیے تھا۔‘‘ جبکہ کچھ نے فہد کے مزاحیہ انداز کی تعریف کرتے ہوئے کہا کہ وہ واقعی شو کو زندہ دل بنا دیتے ہیں۔
یاد رہے کہ فہد مصطفیٰ کے شو میں شامل ہونے والی کئی مشہور شخصیات شادی کے بندھن میں بندھ چکی ہیں۔ ثناء جاوید اور شعیب ملک بھی اس پروگرام میں مہمان کی حیثیت سے شامل ہوئے تھے جو اب لائف پارٹنر کے طور پر اس کا حصہ بن رہے ہیں۔ اسی طرح کبریٰ خان بھی شادی کے بعد اس شو میں نظر آئیں۔
