گوگل نیوز پر ہمیں فالو کریںاسلام آباد: الیکشن کمیشن آف پاکستان نے صدرِ مملکت کی جانب سے تحریر کیے گئے خط میں موجود الفاظ پر مایوسی کا اظہار کرتے ہوئے ایوانِ صدر میں 20فروری کو ہونے والے اجلاس میں شرکت کا فیصلہ کیا ہے۔
تفصیلات کے مطابق الیکشن کمیشن کی جانب سے صدرِ مملکت کو خط کا جواب دیتے ہوئے صدر کے نام خط لکھ دیا گیا جس میں الیکشن کمیشن کے آزاد، خود مختار اور آئین و قانون پر عملدرآمد کرنے والا ادارہ ہونے کا دعویٰ کیا گیا ہے۔
امریکا کی کراچی پولیس آفس پر دہشتگرد حملے کی شدید مذمت
صدرِ مملکت کو تحریر کیے گئے خط میں الیکشن کمیشن حکام کا کہنا ہے کہ الیکشن کمیشن ملکی عدالتوں کے فیصلوں کی نہ صرف عزت کرتا ہے بلکہ ان پر مبنی بر حقیقت عمل بھی کرتا ہے۔ صدر نے الیکشن کمیشن کو بے حس قرار دیا جو نامناسب ہے۔
خط میں کہا گیا کہ صدر کے بے حسی کے الفاظ پر مایوسی اور افسوس ہوا۔ ادارہ اپنی آئینی ذمہ داریاں بطریقِ احسن سرانجام دے رہا ہے۔ خیال رہے کہ صدرِ مملکت نے عمران خان کی جانب سے خط موصول ہونے پر الیکشن کمیشن کو خط لکھا تھا۔
بعض میڈیا رپورٹس میں الیکشن کمیشن ذرائع کے حوالے سے دعویٰ کیا گیا ہے کہ الیکشن کمیشن اراکین اور اعلیٰ حکام ایوانِ صدر ہونے والے اجلاس میں شریک ہوں گے۔ صدرِ مملکت نے اجلاس 20 فروری کو طلب کیا ہے۔
