گوگل نیوز پر ہمیں فالو کریںپشاور: الیکشن کمیشن آف پاکستان (ای سی پی) نے جمعرات کو گورنر خیبر پختونخوا (کے پی) حاجی غلام علی کو صوبے میں 14 مارچ کو انتخابات کی تاریخ سے متعلق مشاورت کے لیے مدعو کرلیا۔
الیکشن کمیشن اور گورنر کے پی کے درمیان مشاورت دوپہر 2 بجے اسلام آباد میں شروع ہوگی اور کے پی کے انتخابات کی تاریخ کا اعلان کیا جائے گا۔
اس سے قبل آج، پاکستان تحریک انصاف (پی ٹی آئی) نے صوبے میں ”انتخابات کی تاریخ کے اعلان میں تاخیر” کے سلسلے میں خیبرپختونخوا (کے پی) کے گورنر حاجی غلام علی کے خلاف قانونی کارروائی کرنے کے لیے کارروائی شروع کردی۔
سابق صوبائی وزیر تیمور خان جھگڑا نے کہا، ”گورنر کے پی کو قانونی ماہر قاضی محمد انور کی جانب سے نوٹس بھیجا گیا تھا۔ گورنر نے الیکشن کمیشن آف پاکستان (ECP) سے مشاورت کے باوجود انتخابات کی تاریخ کا اعلان نہیں کیا۔
مزید پڑھیں:وفاقی کابینہ کا اجلاس، نیشنل کلین ائیر پالیسی کی منظوری دیدی گئی
انہوں نے کہا، ”ہم نے کے پی کے گورنر کو قانونی نوٹس بھیج کر ان کے خلاف قانونی نوٹس لینے کی کارروائی شروع کر دی ہے۔ حاجی غلام علی کے خلاف مزید حکمت عملی جلد سامنے لائی جائے گی۔
