گوگل نیوز پر ہمیں فالو کریںخیبرپختونخوا کے مالاکنڈ دویژن اور اس سے ملحقہ علاقوں میں زلزلے کے جھٹکے محسوس کیے گئے، جس کے باعث لوگوں میں خوف وہراس پھیل گیا۔
زلزلہ پیما مرکز کے مطابق ریکٹر اسکیل پر زلزلے کی شدت 4.9 ریکارڈ کی گئی، زلزلے کا مرکز افغانستان تاجکستان بارڈر تھا جبکہ اس کی گہرائی227 کلو میٹر تھی۔
زلزلے کی شدت اس قدر زیادہ تھی کہ لوگ اپنے گھروں سے باہر نکل آئے۔ زلزے سے متعدد علاقوں میں کچے ماکانات کو نقصان پہنچنے کی اطلاعات ہیں لیکن کسی بھی قسم کا جانی نقصان یا شدید مالی نقصان نہیں ہوا۔
قبل ازیں گلگت بلتستان کے خوبصورت شہر اسکردو میں زلزلے کے شدید جھٹکے محسوس کیے گئے، لینڈ سلائیڈنگ کے باعث پتھر گرنے سے گاڑیوں کو نقصان پہنچا جبکہ متعدد افراد زخمی بھی ہوگئے۔
زلزلے کے جھٹکے اسکردو کے پہاڑی علاقے میں واقع سب ڈویژن روندو میں محسوس کیے گئے تھے جس کی شدت ریکٹر اسکیل پر 4.3 ریکارڈ کی گئی۔
