گوگل نیوز پر ہمیں فالو کریںکراچی کے مختلف علاقوں میں زلزلے کے جھٹکے محسوس کیے گئے ہیں۔
شہر کے مختلف علاقوں کلفٹن، ڈیفنس، آئی آئی چند ریگر روڈ، صدر، سہراب گوٹھ، لیاقت آباد، سرجانی، اورنگی اور کورنگی میں زلزلے کے جھٹکے محسوس کیے گئے ہیں۔
اس کے علاوہ ملیر، گڈاپ، کیماڑی اور کلفٹن کے علاقے میں بھی زلزلے کے جھٹکے محسوس کیے گئے ہیں۔
فوری طور پر زلزلے کے مرکز اور شدت کے حوالے سے کوئی اطلاع سامنے نہیں آئی ہے، تاہم شہریوں کے مطابق زلزلے کے جھٹکوں کا دورانیہ بہت کم تھا۔
شہریوں نے یہ بھی بتایا کہ زلزلے کی شدت بھی کم درجے کی تھی۔ بہت سے شہریوں نے یہ بھی بتایا کہ انہیں سوشل میڈیا، ٹی وی اسکرین یا پھر دوستوں سے ہی پتا چلا کہ زلزلہ آیا ہے۔
شہریوں نے سوشل میڈیا پر زلزلے کے جھٹکوں کے بارے میں بات کی اور اپنے تجربات سے آگاہ کیا۔
زلزلہ پیمامرکز کے مطابق زلزلے کی شدت 3.2 اورگہرائی 22 کلومیٹر تھی۔ زلزلے کا مرکز کراچی سے 15 کلومیٹر شمال مشرق میں تھا۔
