ترکی میں زلزلہ، وزیراعظم کا نقصانات پر رنج و افسوس کا اظہار

اسلام آباد : وزیراعظم شہبازشریف نے ترکی میں زلزلے سے ہونیوالے قیمتی جانی و مالی نقصانات پر رنج اور افسوس کا اظہار کیا ہے۔

سماجی رابطے کی ویب سائٹ ٹوئٹر پر اپنے پیغام میں وزیراعظم شہباز شریف نے ترکی کی حکومت اور عوام سے قیمتی جانوں کے ضیاع پر تعزیت کرتے ہوئے متاثرہ خاندانوں سے ہمدردی کا اظہار کیا ہے، وزیراعظم نے جاں بحق افراد کی مغفرت اور زخمیوں کی جلد صحت یابی کیلئے دعا کی۔

We send our heartfelt condolences & most sincere sympathies to the government and the people of Syria who have suffered major human and material losses from the devastating earthquake early this morning. ???????? ????????

— Shehbaz Sharif (@CMShehbaz) February 6, 2023

انہوں نے اپنے پیغام میں کہا کہ مشکل کی اس گھڑی میں برادر ترکی کی حکومت اور عوام کیساتھ ہیں ، پاکستان اپنے برادر عوام اور حکومت کی ہر ممکن مدد کریگا، ترکیہ نے ہر مشکل میں ہمیشہ پاکستان کا ساتھ دیا ہے۔

یہ بھی پڑھیں:

ترکیہ میں زلزلے سے ہونے والی تباہی کے تصویری مناظر

ٹوئٹر پیغام میں وزیراعظم کا کہنا تھا کہ قدرتی آفات اور موسمیاتی تبدیلیوں سے تباہی کے بڑھتے واقعات دنیا کیلئے خطرے کی گھنٹی ہیں، یہ انسانیت اور کرہ ارض کی بقاء کا معاملہ ہے، قدرتی آفات اور موسمیاتی تبدیلیوں سے تباہی ایک ملک یا خطے تک محدود نہیں رہی ہے۔

واضح رہے کہ ترکیہ اور شام میں شدید زلزلے کے باعث 150 سے زائد افراد جاں بحق ہوگئے جبکہ سیکڑوں زخمی ہوئے ہیں جبکہ کئی عمارتیں ملبے کا ڈھیر بن گئیں۔

امریکی جیولوجیکل سروے کے مطابق زلزلے کی شدت 7.8 ریکارڈ کی گئی ہے۔