ترکی میں زلزلہ، کرپٹو ایکسچینج نے امداد کی پیشکش کردی

کرپٹو کرنسی ایکسچینج نے زلزلے سے متاثرہ ترکی کو مدد کی پیشکش کردی۔

کرپٹو کرنسی ایکسچینج بائننس نے ترکی کے زلزلے متاثرین کو مدد کی پیشکش کردی، مالیاتی حکام نے ایک خیراتی تنظیم کو کرپٹو کے ذریعے امدادی فنڈز جمع کرنے کی اجازت دی۔

عالمی کرپٹو ٹریڈنگ سیکٹر نے ترکی اور خطے کے کچھ حصوں میں تباہی لانے والے مہلک زلزلے کی خبروں پر فوری ردعمل کا اظہار کیا ہے۔ بائننس کی جانب سے اعلان کیا گیا ہے کہ جن علاقوں میں متاثرین کی تعداد زیادہ ہے اُن میں 5 بلین ڈالر کی امداد فراہم کی جائے گی۔

یہ بھی پڑھیں:

کرپٹو کرنسی کے نشے میں مبتلا افراد کی بحالی کے لئے مرکز قائم

واضح رہے کہ ترکی اور شام میں زلزلے سے جاں بحق افراد کی تعداد 23 ہزار سے بڑھ گئی ہیں، ترکی میں زلزلے جاں بحق افراد کی تعداد 20 ہزار تجاوز کرگئی جبکہ ترکی میں زلزلے سے 66 ہزار 132 افراد زخمی ہوئے۔

یورپی یونین کی جانب سے شام کے لیے 35 لاکھ یورو کی امداد کا اعلان کیا گیا ہے، یورپی یونین نے اسی امدادی پروگرام کے تحت ترکی کو بھی 30 لاکھ یورو دینے کا اعلان کر رکھا ہے۔