امریکہ میں سائیکلون طوفان کے باعث شدید سردی نے معمولات زندگی کو شدید متاثر کر دیا ہے۔ جمعرات اور جمعہ کے بعد ہفتہ کے روز بھی ہزاروں پروازیں منسوخ کر دی گئیں۔ ہفتہ کے روز 2700 پروازیں منسوخ ہونے سے دسیوں ہزار افراد افراد کو شدید مشکلات کا سامنا کرنا پڑا۔

فلائٹ ٹریکنگ ویب سائٹ “فلائٹ اویر” کے مطابق ہفتہ کی سہ پہر تک 6200 پروازیں تاخیر کا شکار ہو گئی تھیں۔

جمعرات کو بھی شدید سردی کے باعث تقریبا 2700 پروازیں منسوخ کرنا پڑی تھیں۔ برفباری اور سردی نے جمعہ کو 5700 پروازوں کو اڑان بھرنے سے روک دیا۔

پروازوں میں خلل اس وقت آیا جب ہفتے کے روز آرکٹک کے موسم سرما نے امریکہ کے بیشتر حصے کو اپنی لپیٹ میں لے لیا، جس سے بجلی کی بندش ہوگئی اور کاریں تباہ ہوگئیں۔ درجہ حرارت میں تیزی سے کمی کے نتیجے میں پنسلوانیا سے جارجیا تک کے شہروں کو کرسمس کے موقع پر ریکارڈ سردی کا سامنا ہے۔