ڈیوڈ بیکھم کی بالی ووڈ اداکاروں سے ملاقاتیں، تصاویر سوشل میڈیا پر وائرل

لیجنڈری فٹ بالر ڈیوڈ بیکھم جو اعزازی مہمان تھے، انہوں نے سونم کپور اور ان کے شوہر آنند آہوجا کے ڈنر میں شرکت کی جبکہ یہ تقریب بھارت کے ساحلی شہر ممبئی میں منعقد کی گئی۔ 

متعدد شوبز ستارے تقریب کا حصہ بنے اور بھاگ ملکھا بھاگ کے مرکزی اداکار فرحان اختر بھی شریک ہوئے اور اسٹار فٹبالر سے ملاقات بھی کی۔ 

ہائی پروفائل ڈنر میں شوبز ستاروں کی شرکت کے ساتھ ساتھ ڈیوڈ بیکھم کی موجودگی نے سماں باندھ دیا۔ اس موقعے پر بالی ووڈ ستاروں نے مختلف موضوعات پر ڈیوڈ بیکھم سے تبادلۂ خیال بھی کیا۔

اداکارہ ملائیکا اروڑا نے شوہر ارجن کپور کے ہمراہ ڈیوڈ بیکھم سے ملاقات کی اور تصاویر کھنچوائیں اور اپنے بیٹے کا ذکر بھی کیا جسے فٹبال کا شوق ہے۔

ارجن کپور نے بطور فٹ بال فین ڈیوڈ بیکھم سے ملاقات کی۔ خیال رہے کہ فٹ بال کو دنیا میں سب سے زیادہ پسند کیے جانے والے کھیل کے طور پر اہم مقام حاصل ہے۔ 

شاہد کپور اپنی اہلیہ میرا کے ہمراہ ڈیوڈ بیکھم سے ملاقات کیلئے تقریب میں پہنچے اور تصاویر کھنچوائیں۔ اداکارہ میرا نے ڈیوڈ بیکھم کو اپنا ٹین ایج کرش بھی قرار دیا۔ 

اداکارہ کرشمہ کپور نے بھی ڈیوڈ بیکھم کے ساتھ تصاویر کھنچوائیں اور دیگر فلمی ستاروں نے بھی تقریب میں شمولیت کے دوران ان سے بات چیت کی۔

سونم کی کزن شنایا کپور اور موہت مروا نے بھی تقریب میں شرکت کی۔ اس دوران بھارت اور نیوزی لینڈ کے مابین جاری میچ بھی دیکھا گیا۔ 

متعدد دیگر شوبز شخصیات نے بھی تقریب میں شرکت کی۔ ڈیوڈ بیکھم سے ملاقات کیلئے اہم بالی ووڈ شخصیات نے تقریب میں شریک ہو کر ان سے باہمی دلچسپی کے مختلف موضوعات پر تبادلۂ خیال کیا۔