گوگل نیوز پر ہمیں فالو کریںلیڈز:انگلینڈ کے خلاف پہلے ٹی ٹوئنٹی میچ میں بہترین پرفارمنس دکھانے والے قومی کرکٹ ٹیم کے کپتان بابر اعظم کی انگلش ویمن کرکٹر ڈینیئل ویٹ کی جانب سے تعریف کیئے جانے پر سوشل میڈیا پر دلچسپ تبصرے شروع ہوگئے۔
ٹوئٹر پر جاری کیئے گئے اپنے ایک پیغام میں انگلش ویمن کرکٹر ڈینیئل نے بابر اعظم کا نام لکھا تھا اور اس کے ساتھ حیرانی اور تالیاں بجانے کی ایموجی کا استعمال بھی کیا تھا۔
اُن کے اس ٹوئٹ پر پاکستانی صارفین کے تبصروں کا تانتا بندھ گیا ہے۔کوئی انہیں مستقبل کی قومی بھابھی قرار دے رہا ہے، کسی نے ڈینیئل کے نام کے ساتھ بابر اعظم کا نام جوڑ دیا تو کسی نے بابر اعظم کو شادی کی مبارک باد دیدی۔
ایک صارف نے لکھا کہ لگتا ہے خاتون آپ بابر اعظم کے عشق میں مبتلا ہو گئی ہیں ایک صارف نے کہا کہ ڈینیئل کے اکاؤنٹ سے ایک ٹوئٹ پر 5 یا 6 ہزار لائکس آتے تھے تاہم بابر اعظم کے نام کے ٹوئٹ پر انہیں اب تک 26 ہزار لائیکس آچکے ہیں۔
Babar Azam 😲 👏🏼
— Danielle Wyatt (@Danni_Wyatt) July 16, 2021
یہ بابر اعظم کے نام کا ہی کمال ہے۔واضح رہے کہ ایک روزہ میچز کی سیریز میں شکست کے بعد قومی ٹیم نے انگلینڈ کی ٹیم کے خلاف شاندار کم بیک کرتے ہوئے ہوم ٹیم کو پہلے ٹی ٹوئنٹی میچ میں شکست دی تھی۔
مزید پڑھیں: انگلینڈ کے خلاف ٹی 20 سیریز جیتنے کی کوشش کرینگے،شاہین آفریدی
