گوگل نیوز پر ہمیں فالو کریںلاہور:قومی کرکٹ ٹیم کے نیوزی لینڈ اسکواڈ کے کورونا ٹیسٹ کلیئر ہو گئے، تمام کھلاڑیوں کی رپورٹس کے نتائج منفی آئے، دورۂ نیوزی لینڈ کیلئے روانگی کل ہوگی۔
تفصیلات کے مطابق قومی کرکٹ ٹیم دورۂ نیوزی لینڈ کیلئے کل روانہ ہوگی جس سے قبل کھلاڑیوں کو 2 ہفتے آئسولیشن میں گزارنے ہوں گے۔
یہ بھی پڑھیں: آسٹریلیا اور نیوزی لینڈ کی ٹیمیں بھی پاکستان آئیں گی۔پی سی بی
نیوزی لینڈ میں قومی کرکٹ ٹیم 3 میچوں پر مشتمل ٹی ٹوئنٹی سیریز کھیلے گی، پاک نیوزی لینڈ کرکٹ ٹیموں کے درمیان 2 ٹیسٹ میچز کی سیریز بھی کھیلی جائے گی۔
یاد رہے کہ اِس سے قبل دورۂ نیوزی لینڈ کیلئے قومی کرکٹ ٹیم کے 35 کھلاڑیوں کے ناموں کا اعلان کردیا گیا جو نیوزی لینڈ کے خلاف کرکٹ سیریز کا حصہ ہوں گے۔
دورۂ نیوزی لینڈ کیلئے اوپنرز میں عابد علی، عبداللہ شفیق، فخر زمان، امام الحق، شان مسعود اور ذیشان ملک شامل ہیں۔
مزید پڑھیں: نیوزی لینڈ کیلئے پاکستان کے 35 کھلاڑیوں کے ناموں کا اعلان
