دُنیا بھر میں کورونا سے 55کروڑ 53لاکھ افراد متاثر، 63لاکھ 62ہزار ہلاک

جنیوا:  دُنیا بھر میں کورونا سے 55  کروڑ 53 لاکھ افراد متاثر ہوئے ہیں جبکہ وائرس کے باعث 63لاکھ  62ہزار سے زائد افراد ہلاک ہو گئے۔

تفصیلات کے مطابق دُنیا کے 200سے زائد ممالک اور خطوں میں کورونا سے مجموعی طور پر 55 کروڑ 53لاکھ  19 ہزار  715 افراد متاثر ہوئے جبکہ وائرس کا شکار 63لاکھ  62 ہزار 611 افراد جان کی بازی ہار گئے۔

یہ بھی پڑھیں:

پاکستان میں کورونا کے 653 نئے کیسز رپورٹ، 162مریضوں کی حالت تشویشناک

وائرس سے متاثرہ 38ہزار 496افراد کی حالت تشویشناک ہے جبکہ دنیا بھر میں کورونا کے فعال کیسز کی تعداد 1 کروڑ 88 لاکھ  68 ہزار 816ہو گئی۔ وائرس کے 1کروڑ 88لاکھ  68ہزار 816 مریضوں کو معمولی تکالیف کا سامنا ہے۔

دُنیا بھر میں 53کروڑ 88ہزار288 افراد کورونا سے صحتیاب ہوگئے۔سب سے زیادہ 8 کروڑ 95لاکھ  67ہزار 321 افراد کے کورونا ٹیسٹ کا نتیجہ امریکا میں جبکہ 4 کروڑ 35لاکھ  32ہزار 788کا بھارت میں مثبت نکلا۔

امریکا میں کورونا کے باعث 10لاکھ 43 ہزار372افراد ہلاک ہوئے جبکہ بھارت میں وائرس کا شکار5 لاکھ 25ہزار 242 شہری انتقال کر گئے۔ برازیل میں کورونا سے 3 کروڑ 25لاکھ  36 ہزار 302افراد متاثر جبکہ 6 لاکھ  72ہزار101 لقمۂ اجل بن گئے۔

کورونا سے سب سے زیادہ متاثر ہونے والے ممالک میں امریکا پہلے، بھارت دوسرے، برازیل تیسرے، فرانس چوتھے، جرمنی پانچویں، برطانیہ چھٹے، اٹلی7ویں، روس 8ویں، جنوبی کوریا 9ویں جبکہ ترکی 10ویں نمبر پر موجود ہے۔

قبل ازیں دنیا بھر میں کورونا سے 1 لاکھ ہلاکتیں 79 دنوں میں جبکہ 10 لاکھ ہلاکتیں 235 روز میں ہوئیں۔اموات کی تعداد 10 سے 20 لاکھ تک پہنچنے میں 118 مزید دن لگے۔اگلی 10لاکھ ہلاکتیں 91 جبکہ 40 لاکھ ہلاکتیں 523 دن میں ہوئیں۔