گوگل نیوز پر ہمیں فالو کریںاسلام آباد: عدالت نے چیئرمین پی ٹی آئی عمران خان کی ضمانت کی 3 درخواستیں سماعت کے لیے مقرر کردی ہیں۔ وفاقی دارالحکومت میں درخواستوں کی سماعت 16اکتوبر کو ہوگی۔
تفصیلات کے مطابق سابق وزیراعظم عمران خان کے خلاف تھانہ کھنہ میں ایک اور تھانہ بہارہ کہو میں درج 2 مقدمات سے متعلق کیسز کی سماعت انسدادِ دہشت گردی عدالت کے جج ابوالحسنات ذوالقرنین 16 اکتوبر کے روز کریں گے۔
ایم کیو ایم پاکستان کا انتخابی مہم کا دوسرا جلسہ ضلع غربی میں کرنے کا فیصلہ
عدالت نے اسلام آباد ہائی کورٹ کے فیصلےکی روشنی میں عمران خان کی عدم حاضری پر خارج شدہ ضمانت کی درخواستیں دوبارہ سماعت کیلئے مقرر کیں۔ اے ٹی سی نے سابق وزیر اعظم کی عدم حاضری پر ضمانت کی تینوں درخواستیں خارج کردی تھیں۔
دریں اثناء اسلام آباد کی ضلعی عدالت نے سربراہ پی ٹی آئی عمران خان کے خلاف 9 مئی، لانگ مارچ اور توشہ خانہ جعلی رسیدوں کے کیسز میں ضمانتوں کی درخواستوں پر فریقین کو نوٹسز جاری کرتے ہوئے جواب جمع کرانے کی ہدایت کردی۔
ضلعی عدالت کے جج طاہرعباس سِپرا نے چیئرمین پی ٹی آئی کی ضمانت کی 6 درخواستوں پر سماعت کرتے ہوئے نوٹسز جاری کیے۔عدالت نے پراسیکیوشن اور پی ٹی آئی وکلاکو ہدایت کی ہے کہ 16 اکتوبر کو درخواستوں کی سماعت کیلئے حاضر ہوں۔
ایڈیشنل سیشن عدالت نے ترنول، رمنا، کراچی کمپنی، سیکرٹریٹ اور کوہسار تھانوں کے تفتیشی افسران کو بھی ریکارڈ سمیت طلب کرلیا۔واضح رہے کہ چیئرمین پی ٹی آئی عمران خان تاحال اڈیالہ جیل میں اور رہائی کا معاملہ مختلف درخواستوں کی سماعت سے آگے نہیں بڑھ سکا۔
