گوگل نیوز پر ہمیں فالو کریںلاہور: پاکستان کرکٹ بورڈ اور فرنچائز مالکان کی اہم میٹنگ، پی ایس ایل 6 مکمل کرانے کرانے کے لئے نئی تاریخوں پر غور شروع کردیا گیا۔
پی سی بی اور پی ایس ایل فرنچائز اونرز کا ورچوئل اجلاس گذشتہ روز منعقد ہوا، چیئرمین احسان مانی کے ساتھ سی ای او وسیم خان، سی او او سلمان نصیر اور کمرشل ڈائریکٹر بابر حامد بورڈ کی جانب سے شریک ہوئے، فرنچائزز کی نمائندگی تمام 6 ٹیم مالکان نے کی۔
ذرائع کا بتانا ہے کہ احسان مانی میٹنگ کے دوران بیک فٹ پر دکھائی دیے اور ان کا رویہ دوستانہ رہا، بعض مواقع پر دیگر آفیشلز نے فرنچائزز کی جانب سے بائیو ببل کی خلاف ورزیوں پر توجہ مبذول کرانا چاہی مگر چیئرمین نے انھیں ٹوکتے ہوئے صرف بقیہ میچز پر بات کرنے کا کہا۔
ان کا کہنا تھا کہ ابھی ایک دوسرے پر الزام تراشی کا وقت نہیں، سب سے پہلے ایونٹ کو مکمل کرانے کا سوچیں، اس حوالے سے رواں ماہ کے تیسرے ہفتے کی تجویز سامنے آئی، مگر یہ زیادہ قابل عمل نہیں لگتی کیونکہ پاکستان ٹیم کو جنوبی افریقہ بھی جانا ہے جہاں 2 اپریل کو پہلا ون ڈے ہوگا۔
یہ بھی پڑھیں : پشاورزلمی کے ہیڈکوچ ڈیرن سیمی لاہوریوں کے ساتھ کرکٹ کھیلنے پہنچ گئے
