گوگل نیوز پر ہمیں فالو کریںکراچی: وزیرِ اعلیٰ سندھ سیّد مراد علی شاہ کورونا وائرس سے صحت یاب ہو گئے جس کے بعد انہوں نے دُعاؤں اور نیک تمناؤں کا اظہار کرنے پر تمام دوست احباب کا شکریہ ادا کیا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعلیٰ سندھ مراد علی شاہ نے گزشتہ روز کہا کہ اللہ کے فضل و کرم سے میرا کورونا وائرس ٹیسٹ کا نتیجہ منفی آیا ہے۔
پیغام میں وزیرِ اعلیٰ سندھ مراد علی شاہ نے کہا کہ میں تمام دوست احباب اور خیر خواہوں کا شکریہ ادا کرتا ہوں کہ انہوں نے مجھے فون کالز کیں اور پیغامات ارسال کیے۔
وزیرِ اعلیٰ سندھ مراد علی شاہ نے کہا کہ کوشش کے باوجود میرے لیے یہ ممکن نہیں ہو سکا کہ ہر ایک کو انفرادی طور پر جواب دے سکوں، اِس لیے تمام دوستوں کو آگاہ کرتا ہوں کہ میں آپ کی نیک خواہشات پر شکر گزار ہوں۔
By the Grace of Allah, I have tested negative for COVID-19. Thank you to all friends & well wishers for their calls and messages. Although I have tried, it hasn’t been possible to respond to everyone individually. Please know that I am grateful for your good wishes. ????
— Murad Ali Shah (@MuradAliShahPPP) December 2, 2020
یاد رہے کہ اِس سے قبل وفاقی وزیر قانون بیرسٹر فروغ نسیم بھی کورونا وائرس میں مبتلا ہوگئے، انہوں نے اس حوالے سے آگاہ کرتے ہوئے بتایا کہ ہلکی علامات محسوس کر رہا ہوں، کراچی میں اپنے گھر سے کام جاری رکھوں گا۔
ایم کیو ایم پاکستان سے تعلق رکھنے والے وفاقی وزیر قانون بیرسٹر فروغ نسیم کا کورونا ٹیسٹ گزشتہ روز مثبت آ گیا اور وہ قرنطینہ میں چلے گئے۔
مزید پڑھیں: وفاقی وزیر قانون بیرسٹر فروغ نسیم بھی کورونا وائرس میں مبتلا
