فیصلے میں عجلت ڈھونڈنے والوں پر حیرت ہے، الیکشن کمیشن

پاکستان تحریک انصاف (پی ٹی آئی) کی ممنوعہ فارن فنڈنگ کیس کے حوالے سے ترجمان الیکشن کمیشن نے وضاحت جاری کر دی۔

ترجمان الیکشن کی طرف سے جاری کردہ بیان کے مطابق ہمیشہ کی طرح چند اشخاص گمراہ کن اور جھوٹا پروپیگنڈا کر رہے ہیں۔

بیان کے مطابق پروپیگنڈا کیا گیا کہ الیکشن کمیشن نے ممنوعہ فنڈنگ کے معاملے پر عجلت میں دو فیصلے دیے۔ ترجمان نے کہا کہ 8 سال بعد آنے والے فیصلے میں عجلت ڈھونڈنے والوں پر حیرانی ہے۔

ترجمان الیکشن کمیشن نے کہا کہ اس پروپیگنڈے کا حقیقت سے کوئی تعلق نہیں، کمیشن نے ایک ہی فیصلہ دیا ہے جو صفحہ بہ صفحہ دستخط شدہ ہے۔

واضح رہے کہ الیکشن کمیشن کی طرف سے فیصلہ آفیشل ویب سائٹ پر جاری کیا گیا۔