گوگل نیوز پر ہمیں فالو کریںلاہور: مہنگائی سے ستائی عوام کیلئے اچھی خبر یہ ہے کہ مرغی کے گوشت کی قیمت میں کمی واقع ہوگئی ہے۔ لاہور میں فی کلو گوشت 498 روپے کا ہوگیا۔
مارکیٹ ذرائع کے مطابق مرغی کے گوشت کی قیمت میں چند روز میں 70 روپے کی کمی ہوئی ہے جبکہ لاہور میں ایک درجن انڈوں کی قیمت میں بھی 18 روپے کی کمی ہوئی ہے جو 285 روپے میں دستیاب ہے۔
ذرائع کا کہنا ہے کہ ہول سیل مارکیٹ میں چینی بھی 159 روپے کلو میں فروخت ہو رہی ہے جبکہ پرچون میں چینی 166 سے 170 روپے فی کلو میں دستیاب ہے۔
تھائی لینڈ میں غیر قانونی کرپٹو کرنسی اسکینڈل کے 5 ملزمان گرفتار
مارکیٹ ذرائع نے یہ بھی بتایا کہ چند روز میں چنے اور دال ماش کی فی کلو قیمت 30 روپے کم ہوئی ہے جبکہ بڑی ڈبل روٹی 10 روپے اضافے کے بعد 230 روپے اور چھوٹی ڈبل روٹی 10 روپے مہنگی ہونے کے بعد 130 روپے کی ہوگئی ہے۔
یاد رہے کہ چینی کی اسمگلنگ اور ذخیرہ اندوزی کے باعث چند روز قبل ملک بھر میں چینی کی قیمت 200 روپے سے بھی اوپر چلی گئی تھی اور مختلف شہروں میں مرغی کا گوشت 600 سے ساڑھے 600 روپے کلو جبکہ انڈے 300 روپے فی درجن میں دستیاب تھے۔
