کراچی، صحافی اطہر متین پر فائرنگ کی سی سی ٹی وی فوٹیج سامنے آگئی

حکام کا کہنا ہے کہ اطہر متین کو فائیو اسٹار چورنگی کے قریب فائرنگ کرکے قتل کیا گیا۔فوٹیج میں ملزمان کے چہرے واضح نہیں۔جائے وقوعہ سے مزید سی سی ٹی وی فوٹیجز دستیاب ہونے پر ملزمان کی شناخت اور دیگر حقائق سامنے آسکتے ہیں۔

ایس پی گلبرگ طاہر نورانی کے مطابق اطہر متین کو موٹر سائیکل سوار ملزمان نے روکنے کی کوشش کی جس پر انہوں نے اپنی گاڑی سے ملزمان کی بائیک کو ٹکر مار دی۔ بائیک سوار گر گئے جن میں سے ایک نے اٹھ کر گولی ماری جو انہیں سینے پر لگی۔

سینے پر گولی لگنے کے باعث سینئر صحافی موقعے پر جاں بحق ہوگئے۔ واقعے کی پوسٹ مارٹم رپورٹ کے مطابق بھی سینے پر لگنے والی گولی کو ہی موت کی وجہ بتایا گیا ہے۔ اطہر متین کے لواحقین نے تفصیلی پوسٹ مارٹم کی اجازت نہیں دی۔