گوگل نیوز پر ہمیں فالو کریںاسلام آباد: نگران وزیر اعظم انوار الحق کاکڑ نے کہا ہے کہ الیکشن کمیشن آئین اور قانون کے مطابق عام انتخابات کا اعلان کرے گا۔
تفصیلات کے مطابق اپنے ایک بیان میں نگران وزیر اعظم انوار الحق کاکڑ نے کہا کہ الیکشن کمیشن جب الیکشن کروائے گا، تب تک میں یہاں موجود ہوں۔ انتخابات کے حوالے سے جو بھی فیصلہ آیا، نگران حکومت معاونت کرے گی۔
مہنگی بجلی کے ستائے عوام کیلئے بڑے ریلیف کا پلان تیار
بیان میں نگران وزیر اعظم نے کہا کہ ہم نہیں چاہتے کہ کوئی ایسا اعلان کریں جو بعد میں واپس لینا پڑے۔ امیر لوگوں سے ٹیکس لے کر پسماندہ طبقے پر خرچ ہونا چاہئے۔ بجلی کا ترسیلی نظام بہت سارے نقائص کا شکار ہے۔
نگران وزیر اعظم انوار الحق کاکڑ نے کہا کہ ٹیکس کے نظام کی صلاحیت بھی کمپرومائزڈ ہے۔ ہم نے پہلی میٹنگز پاور ٹیرف اور ٹیکسیشن کے حوالے سے کیں۔ ان دو سیکٹرز کو ہم نے اپنی ترجیحات میں شامل رکھا ہے۔
وزیر اعظم انوار الحق کاکڑ نے کہا کہ ہماری معاشی اور پاور کی ٹیمیں مسئلے کے حل تجویز کرنے والی ہیں۔ کسی بھی سیاسی جماعت کے کارکن قانون کو اپنے ہاتھ میں نہیں لے سکتے۔ قانون ہاتھ میں لینے والوں کے خلاف قانونی کارروائی ہورہی ہے۔
