گوگل نیوز پر ہمیں فالو کریںڈیجیٹل کرنسی بٹ کوائن نے پہلی ڈی سینٹرلائزڈ کرپٹو کرنسی کا اعزاز حاصل کرلیا۔
حال ہی میں بٹ کوائن کو سب سے قدیم اور قیمتی کرپٹو کرنسی کا اعزاز دیا گیا ہے جبکہ السلواڈور بٹ کوائن کو بطور قانونی کرنسی اپنانے والا پہلا ملک تسلیم کیا گیا ہے۔
بٹ کوائن نے پہلی بار گنیز ورلڈ ریکارڈ میں جگہ بنائی ہے اور اِس نے پہلی ڈی سینٹرلائزڈ کرپٹو کرنسی کا اعزاز حاصل کیا ہے۔
واضح رہے کہ کرپٹو کرنسی کی قدر میں روزبہ روز اضافہ ہورہا ہے، آج 40 فیصد سے زیادہ مارکیٹ پر بٹ کوائن حاوی ہے۔
تیل کی پیداوار میں کمی، پاکستان کا امریکا کے مقابلے پر سعودیہ سے اظہارِ یکجہتی
دوسری جانب بھارتی وزیرخزانہ نرملا سیتارامن نے اشارہ کیا ہے کہ قوم کرپٹو کرنسی کے کثیرالجہتی ضابطے کو آگے بڑھانےکیلئے جی 20 ممالک کی ابھرتی ہوئی صدارت کا استعمال کرے۔
رواں ہفتے امریکہ کےدورے کے دوران بات چیت کرتے ہوئے بھارتی وزیرخزانہ نے کہا کہ بھارت جی 20 ممالک کے دیگراراکین، ورلڈبینک اور بین الاقوامی مالیاتی فنڈز کے ذریعے پہلے سے شروع کیے گئے ڈیجیٹل پیسے پر کام کے جائزے کی قیادت کرنے کی امید رکھتا ہے اور پھر کرپٹو کرنسیوں کے استعمال کو کنٹرول کرنے کے لیے ایک ریگولیٹری فریم ورک تیار کرے گا۔
