گوگل نیوز پر ہمیں فالو کریںکراچی: وزیرِ خارجہ نے دفاعی نمائش کا افتتاح کردیا۔ آئیڈیاز 2022 کی تقریب سے خطاب کرتے ہوئے بلاول بھٹو زرداری نے پاکستان میں بین الاقوامی تجارتی وعسکری وفود کو خوش آمدید کہا۔
تفصیلات کے مطابق کراچی میں بین الاقوامی دفاعی نمائش آئیڈیاز 2022 کا انعقاد جاری ہے۔ وزیرِ خارجہ بلاول بھٹو زرداری نے تقریب سے خطاب کرتے ہوئے کہا کہ پاکستان ڈیفالٹ کے خطرے سے نکل چکا ہے۔
ای سی سی نے 1800ارب روپے کے کسان پیکیج کی منظوری دے دی
بین الاقوامی دفاعی نمائش سے خطاب کے دوران وزیرِ خارجہ نے کہا کہ حکومت دفاعی پیداوار میں نجی شعبے کی شراکت داری کی حوصلہ افزائی کر رہی ہے۔ ہم خارجہ پالیسی کے تحت تمام ممالک سے تعلقات بہتر کر رہے ہیں۔
خطاب کے دوران وزیرِ خارجہ بلاول بھٹو زرداری نے کہا کہ اتحادی حکومت کو گزشتہ 6 ماہ سے مختلف چیلنجز کا سامنا ہے۔ اس کے باوجود خارجہ پالیسی، معیشت اور ملکی صورتحال کی بہتری کیلئے اقدامات اٹھا رہے ہیں۔
وزیرِ خارجہ نے کہا کہ پاکستان کو موسمیاتی تبدیلی کے باعث خطرناک سیلاب کا سامنا کرنا پڑا۔ سیلاب متاثرین کو درپیش مسائل کے حل کیلئے فوری اقدامات اٹھائے گئے۔ پاکستان ڈیفالٹ کے خطرے سے نکل چکا ہے۔
