دنیا کے جمہوری ممالک کو اپنی پالیسیاں از سرِ نو تشکیل دینا ہوں گی۔وزیر خارجہ

بالی: وزیر خارجہ بلاول بھٹو زرداری نے 15ویں بالی جمہوری فورم سے خطاب کرتے ہوئے کہا ہے کہ دنیا کے جمہوری ممالک کو اپنی پالیسیاں از سرِ نو تشکیل دینا ہوں گی۔

تفصیلات کے مطابق وزیرِ خارجہ بلاول بھٹو زرداری نے انڈونیشیا میں 15ویں بالی جمہوریت فورم میں شرکت کی۔ فورم سے خطاب کے دوران وزیر خارجہ نے دنیا بھر کی جمہوریتوں کو اپنی پالیسیاں از سرِ نو تشکیل دینے کی ضرورت پر زور دیا۔

یہ بھی پڑھیں:

مختلف شہروں میں شدید دھند، متعدد مقامات پر شاہراہیں بند

Foreign Minister @BBhuttoZardari participates in 15th Bali Democracy Forum. FM stressed the need for democracies to re-invent themselves to be more responsive to the needs of their people and to cooperate with each other to find people-centric solutions. pic.twitter.com/uMKE6eIYRK

— Ministry of Foreign Affairs – Pakistan (@ForeignOfficePk) December 8, 2022

ترجمان دفترِ خارجہ کا کہنا ہے کہ وزیر خارجہ بلاول بھٹو زرداری نے جمہوری ممالک پر زور دیا کہ وہ عوامی ضروریات پر تعاون کیلئے بہتر ردِ عمل کا مظاہرہ کریں اور ایک دوسرے سے بھی تعاون کریں تاکہ عوام کی فلاح و بہبود یقینی بنائی جاسکے۔

خیال رہے کہ بالی جمہوری فورم کے قیام کا مقصد ایشیائی ممالک کے مابین جمہوری اقدار کی پاسداری اور اداروں کی ترقی کیلئے بات چیت کے ساتھ ساتھ دو طرفہ تعاون اور سیاسی ترقی کو فروغ دینا ہے۔ اس کا مقصد ریاستی اداروں اور اسٹیک ہولڈرز کے مابین تجربات کا تبادلہ بھی ہے۔

سیاسی اداروں کی تعمیر کے تناظر میں باہمی تعاون کیلئے پلیٹ فارم کے طور پر کام کرنے والے بالی جمہوری فورم کا مقصد خطے کے امن و استحکام، انسانی حقوق اور اقدار کے ساتھ ساتھ اقتصادی و سیاسی ترقی کے مابین تعاون کو فروغ دینا بھی ہے۔