گوگل نیوز پر ہمیں فالو کریںدبئی کے مادام تساؤ میوزیم میں سابق وزیراعظم پاکستان بے نظیر بھٹو کا مومی مجسمہ نصب کردیا گیا۔
مجسمے کی تقریب رونمائی میں وزیر خارجہ و بے نظیر بھٹو کے صاحبزادے بلاول بھٹو نے بھی شرکت کی۔ تقریب سے خطاب کرتے ہوئے بلاول بھٹو زرداری نے کہا کہ بے نظیر بھٹو پاکستان میں روشن خیالی اور جمہوریت کی علامت ہیں۔
انہوں نے کہا کہ شہید بی بی کا مادام تساؤ میوزیم میں مومی مجسمہ پاکستان کیلئے اعزاز ہے۔
???? FM @BBhuttoZardari attended the unveiling of the wax figure of Former PM Shaheed Mohtarma Benazir Bhutto at an event held at @Tussauds_Dubai in UAE ???????? today. She is the first Pakistani whose wax figure is displayed at Madame Tussauds Dubai. pic.twitter.com/iI3HJQCbba
— Spokesperson ???????? MoFA (@ForeignOfficePk) July 30, 2023
بلاول بھٹو کا کہنا تھاکہ بینظیربھٹو نے جلاوطنی کے 10 سال دبئی میں گزارے، یہ شہر دل سےبہت قریب ہے۔
خیال رہے کہ مادام تساؤ میوزیم دنیا بھر میں شہرت کا حامل ہے جہاں دنیا بھر کی معروف اور نامور شخصیات کے مومی مجسمے موجود ہیں جسے ایک اعزاز بھی سمجھا جاتا ہے۔
اس میوزم کو ایک فرانسیسی مجمسہ ساز خاتون مادام تساؤ نے 1835 میں قائم کیا تھا اور اب اس کی برطانیہ سمیت دنیا کے مختلف شہروں میں شاخیں بھی قائم ہیں۔
