گوگل نیوز پر ہمیں فالو کریںورلڈ کپ میں پاکستان کی ناقص کارکردگی کے پیشِ نظر قومی ٹیم کے کپتان بابر اعظم کی کپتانی پر فیصلہ آج متوقع ہے۔
تفصیلات کے مطابق بابر اعظم ون ڈے فارمیٹ کے کپتان برقرار رہیں گے یا نہیں، اس حوالے سے اہم فیصلہ پی سی بی کی میٹنگ میں ہوگا۔ کرکٹ بورد نے ٹیم کی ناقص کارکردگی پر ٹیم ڈائریکٹر اور کپتان بابر اعظم سے وضاحت طلب کی ہے۔
ورلڈ کپ کا سیمی فائنل، بھارت کا ٹاس جیت کر نیوزی لینڈ کیخلاف بیٹنگ کا فیصلہ
آج ہونے والے پی سی بی اجلاس میں چیئرمین پی سی بی مینجمنٹ کمیٹی ذکا اشرف کی جانب سے بابر اعظم سے دوٹوک بات کیے جانے کا امکان ہے۔ بابر اعظم بورڈ کے کسی فیصلے سے قبل خود بھی ٹیم کی قیادت چھوڑنے کا اعلان کرسکتے ہیں۔
محمد حفیظ کو اہم ذمہ داری ملنے کا امکان
چیئرمین پی سی بی مینجمنٹ کمیٹی ذکا اشرف سے بابر اعظم کی الگ ملاقات بھی ہوگی جس میں کپتانی چھوڑنے کا مشورہ دئیے جانے کی توقع کی جارہی ہے۔ بعض سینئر کھلاڑی ٹیسٹ سیریز میں بابر کی کپتانی برقرار رکھنے پر متفق ہیں۔
بعض میڈیا رپورٹس کے مطابق کرکٹ بورڈ ون ڈے فارمیٹ میں بابر اعظم کو کپتانی سے ہٹانے پر رضامند نظر آتا ہے۔ ٹیم ڈائریکٹر مکی آرتھر سمیت دیگر غیر ملکی کوچز کو مستعفی ہونے کا آپشن دئیے جانے کی بھی توقع کی جارہی ہے۔
