گوگل نیوز پر ہمیں فالو کریںکراچی: اینٹی وہیکل لفٹنگ سیل نے بدنام زمانہ موٹر سائیکل لفٹر کھوکر گینگ کے خلاف کارروائی کرتے ہوئے موٹرسائیکل چوری کی متعدد وارداتوں میں ملزم دو سگے بھائیوں کو گرفتار کرلیا ہے۔
اینٹی وہیکل لفٹنگ سیل ( اے وی ایل سی ) کے حکام کا کہنا ہے کہ گرفتار ملزمان میں شاہ زیب اور شہریار شامل ہیں جوکہ دونوں سگے بھائی ہیں۔
اے وی ایل سی حکام کا کہنا ہے کہ دونوں ملزمان کو سی سی ٹی وی فوٹیج کی مدد سے گرفتار کیا گیا ہے۔ حکام کے مطابق حاصل ہونے والی فوٹیج میں ملزم شاہ زیب کو ساتھی کے ہمراہ موٹر سائیکل چوری کرتے دیکھا جا سکتا ہے، ملزمان کے قبضہ سے 2 چوری شدہ موٹر سائیکلیں بھی برآمد ہوئی ہیں۔
اینٹی وہیکل لفٹنگ سیل حکام کے مطابق ملزمان کے خاندان کے دیگر افراد بھی موٹر سائیکل لفٹنگ کے دھندے میں ملوث ہیں۔ ملزمان چوری شدہ موٹر سائیکلیں بلوچستان لے جا کر فروخت کر دیتے تھے۔ اینٹی وہیکل لفٹنگ سیل کی جانب سے موٹر سائیکل لفٹنگ کے خلاف تابڑ توڑ کارروائیاں جاری ہیں۔
یہ بھی پڑھیں : ضلع کیماڑی پولیس کی کارروائی، ٹارگٹ کلرسمیت 4 دہشتگرد گرفتار، اسلحہ برآمد
